June 5 khan Excise & Narcotics department chuan hmun thumah heroin hawng 79 an man.
Nilaini chhun dar 12.20 khan Durtlang North-ah heroin gram 131 (hawng 11) leh a neitu nia puh Lalbuatsaihi (35) Durtlang North-a khawsa nia inchhal an man a. Cawhnu dar 3.45 ah Hunthar Veng kawngpuiah gram 775 (hawng 62) leh a neitu nia puh
Lalmuansanga (23) Hnahthial, tuna Tanhril Vengthara khawsa nia inchhal an man.
Nilaini zan dar 8.15 khan Chhinga Vengah gram 79 (hawng 6) leh a neitu nia puh Lalsangliana (43) Chhinga Venga khawsa nia inchhal an man bawk a. Heroin an man zawng zawng hi gram 985 (hawng 79) a ni. ND&PS Act 1985 hmangin thubuai siamsak an ni.
Hmun thumah heroin man
