Daily Newspaper

Hmun vawt Siberia in lum lam pan nasa zual zel

14

Record awmsa khum zaka Siberia a heatwave tleh chu mihring siam climate change tel lo chuan thleng thei a ni lo tiin zirchianna neitute chuan an sawi.

Russia rama hmun vawt Siberia-ah chuan kumin January leh June inkarah temperature average chu 50C chungah a awm a.

Verkhoyanks khuaah chuan 20 June khan temperature 380C record niin Article circle a chhin chhiah theih china temperature san ber tum a ni.

Artic chu global average aiin a let hnihin a lum chak zawka ngaih a ni bawk.

International team of climate scientists, UK Met Office kaihhruaite chuan tun anga temperature danglam lutuk hi mihring siam chawp ni lo se chuan kum 80,000 danah tum khat thleng ang chauh a nih thu an sawi a.

Scientist-te chuan an thil zirchiana an hmuhchhuah sawifiah nan ‘phatrual loha climate change in kan chenna lei a nghawng dan finfiahna’ tiin an sawi a ni.

Researchers te chuan Siberia heat thleng chuan khawvel average temperature chu January leh May inkarah record tawh china a lum ber dawttu a thlen niin an sawi bawk.

Artic climate inthlak danglam hi UK ram te ang tan pawimawh lutuk a ni a. UK weather system thlentu system paruk zinga pali chu Artic weather-in a hrin a nih vang a ni.

Kum 2018 khawvawt uchuak ‘Beast from the East’ tia hriat lar chuan UK a lo nuai tawh a. Artic boruak vawt lutuk tleh chuan temperature 0C ah ni eng emaw zah siamin vur metre chanve laia tam hmun thenkhatah chuan a sur tir nghe nghe a, kha vur thli tleh khan tihchhiat 1 billion pound chuang hu neiin mi 10 nunna a la bawk.

Hei bakah hian kumina thlipui leh tuilian te leh kum 2015-a thleng tawhte pawh kha Artic weather-in a hrin niin an sawi bawk.

Siberia heatwave tleh vang hian chhiatna nasa thlenin June thla tir khan Russian President Vladimir Putin chuan state of emergency a puan phah tawh a, fuel dahkhawmna disel 20,000 tonnes laia tam Norilsk khuaa dahkhawmna chu temperature inthlak danglam vangin a put a ni. Hei bakah hian Artic ram ngaw kang bawkin chu chuan June thla khan CO2 megatonnes 56 a pechhuaka ngaih a ni bawk.

Artic hi khawvel hmun dangte aiin a let hnihin a lum chak zawka ngaih niin kum 1850 nena khaikhina khawvel temperature lumbelhna chu 10C a nih laiin Artic chu 20C a ni thung a. Hei hian khawvel pum khawchinah danglamna a thlen zel dawna ngaih a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy