Hmunphiaha sawrkar rate-in a chingtute phur tirit zawk – Dr Lalmalsawma

Mizoram sawrkar tharin hmunphiaha rate a siam chu a chingtute tan phurrit a siamsak zawk tih Congress treasurer Dr Lalmalsawma Nghaka chuan a sawi.
Inrinnia Tuirial, Kolasib leh Serlui biala Congress Block hruaitute a tlawhkualnaah MPCC treasurer chuan sawrkarin hmunphiah lei turin RR Associates, Kamrup Assam a thawhpui a, hmunphiah ro kg khat Rs.100 aia tlawm loa leisak tura ruahman a ni chu thil lawmawm tak angin lang mah se, a hringa hralhtu hi tam tak an nih avangin a hralhna chungchangah kum dang aiin harsatna an tawh nasat phah zawk niin a sawi.
Himachal Pradesh-ah pawh kuthnathawktute tana that hmel tak, apple hralhna chungchangah ruahmanna siam a nih laiin, kuthnathawktute buaina a siam nasat avangin engkim hrechiang Congress party an sawrkar phah tih a sawi a ni.
Nikum January-Febuary-ah kg-ah Rs.50 a ni zet a, a to hnuah Rs. 60-in an hralh a, kuminah erawh kg ah Rs.34 a ni thei tawk tih Dr Lalmalsawma hian sawiin, “Sawrkarin hmunphiah man a ro Kg khat Rs.100-a a siam hi a roa pek tur a nih si avangin hmunphiah hralhtute tan nikum lama a hringa an hralhna aiin a rate a chhe zawk a, kumdang aiin an hlawk lo a, mumal taka a hralhna a awm theih loh avangin kuthnathawktute phurrit a thlen phah a ni,” a ti.
Aitlang vela hmunphiah chingtute hmunphiah chu Assam Police-in an keh sak thin nia sawiin, sawrkarin a ranglama hma laksak thuai turin a ngen tih a sawi bawk.