Daily Newspaper

Hnahlan winery-ah grape sawr tan

23

Hnahlan Grape Growers’ and Processing Cooperative Society an winery-ah grape an sawr ve leh tan a. Nilaini khan Champhai North bialtu MLA, Mizoram Cooperative Development Council vice chairman ni bawk Dr ZR Thiamsanga hoin a bul tanna atan quintal 200 vel her a ni.

MLA Dr ZR Thiamsanga chuan tunhmaa ‘Zawlaidi’ fortified wine ang siam loa, French technology hmanga Hnahlan Winery-in wine quality tha tak a siam ve thei ta chu mak a tih thu sawiin, grape chingtute thawhrah a tak ngeia a hmu chu vannei a intih thute, Hnahlan khua chu tun hma zawng a grape vanga hmingthang, rawihral ta mai anga sawi thin chu dawt a nih zia a hmuna hmutu a nih thute a sawi.

Mizoram sawrkarin grape a ngaihpawimawh tih sawiin, sawrkarin grape chingtute tihnual zawnga dan leh hrai duan a tum loh thu a sawi bawk.

Hnahlan Grape Growers’ and Processing Cooperative Society hruaitute chuan Ministry of Food Processing Industries (MoFPI) hnuaia project siama ‘winery upgradation and modernization’ kalpui an duh thu bialtu MLA hi lo hrilhin, hemi tur hian MoFPI dan leh hraiin a phut anga Hnahlan leh a chhehvel chu ‘grape producing region’ a sawrkarin a puan phawt a ngai tih an sawi a. Dr ZR Thiamsanga chuan chief minister hnena thlensak a, a tul anga hma lakpui a tum thu a hrilh.

He huna tel ve Champhai district bawrhsdap Maria CT Zuali pawhin FOCUS hnuaia innovation programme kaltlangin Hnahlan Winery chawikanna tur awm theia a hriat thu leh a rang thei ang bera ama ho ngeia mithiamte nen endik tura Winery tlawh leh a tum tih a sawi a ni.

Champhai North bialtu MLA Covid 19 laka himna tura ramri-a duty laia boral Khuangphah VLTF member pakhat chu cheng nuai khatin a ral nghal a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy