Daily Newspaper

Hnahthial-a police hmalak dan enlet

8

Hnahthial district-a police officer-te chu superintendent of police Lalbiakkila hoin an district-a police-in thubuai an ziahluh china hmalak dante thlirletin Nilaini khan an thukhawm.

Hnahthial SP chuan police-ah case investigation aia hna lian leh pawimawh a awm thei lo, tiin, “FIR rawn lut kan bawhzui dan leh kan chhuichhuah leh chhuah loh hi mipui min tehna a ni fo. Building tha pui pui leh hmanraw changkang tak tak nei mah ila, FIR kan bawhzui that loh chuan police tha kan ni thei ngai loang” a ti.

Police officer-ten thuneihna sang tak nei mah se, an hman thiam loh a hlauhawm hle tih SP hian a sawi. “IPC leh CrPC te hi keimahnia bet tlat a ni tih hrerengin kan hre bel tur a ni. Dan hrelo tan a huaisen theih loh avangin investigator tha ni turin dan kan hriat a ngai a, kan chhiar tam a tul,” a ti.

Thutkhawma tarlan danin, kumin January 1 atanga thutkhawm hma ni thlengin Hnahthial district-ah case 21 ziahluh a ni tawh a, heng zinga case 5 chu charge sheet ni tawhin 1 chu FR (final report) a ni a, case dang 15 pending an la ni. Heng bakah thihdan pangngai loa thi police-in an ziahluh 7 a awm tawh bawk.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy