Special Intensive Revision 2026 chu Mizoram puma kalpui mek zel niin, Pathianni zing dar 8 khan Hnahthial district election officer hnuaia Assembly constituency awmchhun, South Tuipui bial tan enumeration form sem chhuah chu digitized fel a ni.
South Tuipui biala enumeration form 16478 semchhuah zinga 1049 (6.37%) chu chhan hrang hrang – mahni vote neihna hmuna awm tawh lo, insawn, thi leh list-a awm nawn palh vangin a lak let theih tawh loh a. Hemi chhiar tel loh hian enumeration form semchhuah 15429 tan digitization process hi Pathianni zing dar 8 khan zawhfel a ni.
House to house enumeration phase hi May 30 atang khan neih tan niin, enumeration form hi June 9 khan sem zawh a ni. Digitization tih nghal niin, chak zawka kalpui a nih theihnan June 10 khan Hnahthial DEO hmalakna hnuaiah digitization drive rang leh tluang taka tih a nih theihna booth level officer 27 tan neih a lo ni tawh.
Hemi hma hian Khawzawl district, Champhai district leh Serchhip district chuan enumeration form digitization hi zaa za an lo zo tawh bawk.
Hnahthial district-ah digitization ti zo
