Daily Newspaper

Hnahthialah DEO leh DPO office hawng

10

Hnahthial district tihpuitlinna kalzelah Inrinni khan District Education Office leh District Project Office, Samgra Shiksha, Hnahthial District chu School Education minister Lalchhandama Ralte chuan a hawng.

Minister chuan hrileng vangin sum leh pai a harsat thu leh duh angin hmalakna a chak theih loh thu sawiin, chutiang karah Hnahthial-ah district ban pawimawh tak DEO leh DPO hawn a ni ta chu lawmawm a tih thu a sawi. Ram hmasawnna atan human resource development chu a bulpui ber a nih thu leh chumi kawnga sulsutu Education Department-a thawktute chu tha taka tawiawm turin mipui a chah.

DEO office an hawn thar chuan an district-ah zirna quality tha thlen se, tiin zirtirtu tha leh fel tak tak an awm laiin entawn tlak loh engemawzat an awm nia a hriat thu a sawi. Chief minister Pu Zoramthanga’n zirna a ngaipawimawh avangin kum hnih vel chhungin Education Department hnuaiah hnathar 1800 vel lak a nih tawh thu a sawi. “Tih tur erawh tam tak ala awm a, kan ti zel anga, tun dinhmuna thawktu awm ang angte hian thahnemngai takin thawk ang u,” a ti. Education Department ram leh building awm ang angte chu mahni ta anga enkawl theuh turin mipui a chah a, “Kan ram leh hnam tana hmun pawimawhah min ngaihsak rawh u” tiin a ngen.

He hun hmanpuitu minister TJ Lalnuntluanga chuan thiamna avanga tling ni loa, tute emaw puihna avanga tling tura inhriatna chu a tha loin nuaibo a ngai tih a sawi a. “Degree neih ringawt hi a tawk loa, tling thei tura thiamna tak tak neih a ngai a, moral development hi zirna in atanga bul tan a ngai,” a ti.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy