Site icon The Aizawl Post

Hnam Ni – February ni 20

February ni 20 hian Zofate zin kawngah
pawimawhna tak a nei; Mizoram state nih \an ni a ni a, chu lo pawh he ni hian pawimawhna dang a nei.
February ni 20 hi Myanmar-a Chin state-a Zo hnahthlakte ni pawimawh a ni a, Chin National Day a ni. Hemi ni-ah hian an dikna chanvo humhalh tura infuihin hun an hmang \hin.
February ni 20 hi Zomi Nam Ni a ni bawk a, Manipur-a Zo hnahthlak peng pakhat Zomi te’n hemi ni hi an hmang \hin.
Myanmar-a Zofate hi ‘Chin’ tia koh an ni a, 1948 February ni 20-ah khan Chin mipuite hruaitu pawimawhte an inhmukhawm a, an hmakhuate ngaihtuahin an dikna chanvo (right) humhim a nih theih dan tur an ngaihtuah a ni. Chumi ni chu an dikna chanvo humhalhna ni-ah an chhiar ta a, 1951 February ni 20-ah Mindat khuaah a vawi khat nan Chin National Day an hmang ta a ni.
Kum dangah pawh an hmang ta zel a, an ngai pawimawhin an hmang urhsun deuh deuh bawk. Sorkar hriatpuia hmang erawh an ni lo a, mipui \angrualin an hmang tawp mai a ni. Sipai sorkar an dul hret hret a, 2010 vel a\ang khan sorkar hriatpuiin an hmang ta. Mahse 2021-ah sipaiin thuneihna an pawng lak leh a, Chin National Day hi a hma angin an hmang mumal thei ta lo.
2021 a\ang hian Myanmar-ah sorkar sipaite leh anmahni paih tumtu, mipui sipai tia sawite an indo a, chuti chung chuan a theih ang angin mipuiin Chin National Day hi an hmang \hin. Mizoramah pawh raltlante’n an hmang.
Chin National Day hi Zomi Nam Ni tia sawi an awm a, Zo hnahthlak \henkhat chuan Zomi Nam Ni tiin an hmang \hin. Myanmar-a Chin state leh Manipur-a Zo hnahthlakte zingah Zomi Nam Ni tiin an hmang \hin a, Zomi leh anmahni hnaih deuhte’n an hmang tlangpui nia ngaih a ni.
Mizoram bikah chuan February ni 20 hi State Day a ni a, zalenna sualtute leh India sorkarin 1986-a remna an ziah hnuah, 1987 February ni 20-ah Mizoram chu state-ah hlankai a ni.

Exit mobile version