Real Madrid chuan si phur hmasa zet chungin Las Palmas mualah 2-1 hnehna an changlet a, khelh inzatah point hnihin Girona an lehpel a, Spanish La Liga table-ah an hmahruaina neikir lehin, nizan inkhel result tarlan hman loh pakhatah Girona hian team talbuai me Celta Vigo muala point thum an thawkchhuak thei a nih chuan Los Blancos lehpelin league hma an hruai chhunzawm leh ang.
Inrinni zan inkhel second half tir lamah Javier Munoz chuan Las Palmas hmahruaina goal khungin, minute 65-ah Vinicius Junior chuan Real siphurh sutna goal thawhin, hun pangngai tawp hma minute ruk chiah awm tawhah substitute Aurelien Tcho-uameni chuan Toni Kroos siamsak \angin mikhual chakna goal a tilut a, Carlo Ancelotti team-in table-ah nghet lo takin hma an hruai leh phawt.
He inkhelah hian Ber-nabeu club lamin an player lei fuh Jude Bellingham chu hremna avangin an chhawr thei lo a, an thiam-puipa tel loin hnehna an chang zui ta tho a ni.
Hnehna nena table chungber luahkir Real
