Hollywood box office-ah ‘Project Hail Mary’ a No.1
Phil Lord leh Christopher Miller te space film siam, Ryan Gosling channa ‘Project Hail Mary’ chuan tun weekend kalta khan US-a cinema hall ticket hralhna atangin dollar maktaduai 80.6 a la lut thei a, box office No.1 a ni. He sci-fi epic hian US pawn, ramdang 80 chuang atangin dollar maktaduai 60.4 a la lut thei bawk a, tihian opening weekend-a a lak luh zawng zawng chu dollar maktaduai 141 a tling ta a ni.
‘Project Hail Mary’ hi film hmasa chhunzawmna emaw, franchise film emaw ni lo zingah, original story-ah chuan tun kum 10 chhunga US-ah opening weekend-a dollar maktaduai 80 chin la lut thei pahnihna niin, ‘Oppeheimer’ hnung a rawn zui a ni.
He sci-fi epic hi Andy Weir novel behchhana chan a ni a, science zirtirtu pakhat chu spaceship pakhatah, khawvel atanga hla takah a thangharh hlawl mai a, engtin nge chu spaceship-ah chuan a lo awm tih a ngaihtuah chhuak zo bawk si lo. Mahse zawi zawiin a hriatna a lo kir leh hret hret a, a mission a hrechhuak ta a, ni (sun) thi mai tur chhanhim tur a ni tih a inhre ta a. A science thiamna zawng zawng leh idea danglam tak tak hmangin ni thim mai tur chu titawpin, khawvel a chhanhim a ngai a, chutiang karah chuan beisei loh tak thian a chhar ta a, amah chauh a chet a ngai ta lo.
Indian action-thriller, Ranveer Singh channa ‘Durandhar 2: The Revenge’-in opening weekend-ah dollar maktaduai 10 la lutin, No.3 a ni a, Indian film zingah US-a opening weekend-a chetha ber pawl a la ni. Film tlangzarh thar dang horror-comedy ‘Ready or Not 2: Here I Come’-in dollar maktaduai 9.1 la lutin No.4 a ni bawk.
Box office top 10:
1 Project Hail Mary $80,583,746
2 Hoppers $18,000,000
3 Dhurandhar: The Revenge $9,572,000
4 Ready or Not 2: Here I Come $9,100,000
5 Reminders of Him $8,000,000
6 Scream 7 $4,300,000
7 GOAT $3,500,000
8 undertone $3,015,003
9 “Wuthering Heights” $475,000
10 Avatar: Fire and Ash $280,000
Hollywood box office-ah ‘Project Hail Mary’ a No.1
