Daily Newspaper

Hollywood star Kelly Preston a thi

10

Hollywood actress Kelly Preston, kum 57, chu hnute cancer avangin Pathianni kalta khan a thi tih nimin khan an puang. Preston hi Hollywood actor hriathlawh tak John Travolta nupui a ni bawk.

Preston thih thu hi John Travolta chuan Instagram-ah post-in, “Thinlung rit tak chungin ka nupui duhawm tak Kelly chuan kum hnih hnute cancer avanga a inenkawl hnuah min kalsan ta tih ka hriattir che u. Hmangaihna leh fuihna thahnem tak dawng chungin huaisen takin a tuar a ni,” a ti.

Travolta chuan Kelly enkawltu doctor leh nurse te hnenah lawmthu sawiin, “MD Anderson Cancer Center-a doctor leh nurse-te chungah kan lawm kumkhua tawh ang,” a ti bawk.
Preston hi 1962 khan Honolulu, Hawaii-ah a piang a, a lai-ah hming chu Kelly Kamalelehua Smith a ni. Film hrang hrangah a chang hnem hle a, chung zingah chuan Mischief, Twins, Jerry Maguire, What a Girl Want te pawh a tel a, TV show-ah pawh a inlan nual a, chung zingah chuan For Love and Honor te pawh a tel.

Preston leh Travolta te hi 1991-ah an innei a, an nupa hian film pawh an chang dun nual a- The Experts, Battlefield Earth, Old Dogs leh Gotti-ah te pawh an chang dun. Preston leh Travolta te hian fa pathum Ella, kum 20, Benjamin, kum 9, leh Jett te an nei a, Jett hian 2009 khan kum 16 mi niin a thihsan tawh a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy