Home-a awmte HIV sawipui
Kum 1988 atangin kumtin December 1 kha World AIDS Day atan hman thin a ni a; kuminah Pathiannia a tlak avangin World AIDS Day pualin Mizoram State AIDS Control Society thawktuten ruihhlo ngaite enkawlna home pathum tlawhin HIV/AIDS chungchang an sawipui.
Kumin World AIDS Day thupui chu “Take the right path. Your health, your responsibilitiy” tih a ni a. HIV hrik kai tawhte pual leh kai lo tura invenna lam niin “I hriselna chu i mawhphurna a ni, kawng dik zawh ang che” tih a ni.
November 30 khan MSACS hian Mizoram district 11-a ruihhlo ngaite enkawlna Home thlanbikah World AIDS Day pual hian ei tur buhfai an lo sem tawh bawk.
1990 Octpber atanga kumin March thlenga Mizorama HIV kai hmuhchhuah zat sawrkarin a chhinchhiah chu 30523 an tling tawh a, chu’ng HIV kai hmuhchhuah zinga zaa 91.23 chu kum 15-49 inkar an ni. HIV hrik kai, AIDS natna avanga thi mi 5021 nia chhinchhiah a ni bawk a, HIV hrik kai zingah hian naupang kum 14 hnuai lam 778 an awm nia chhinchhiah niin, an ni hian an nute atanga pianhlima kai an ni ber.
Home-a awmte HIV sawipui
