Daily Newspaper

Home Minister Amit Shah leh Karnataka CM ten Covid-19 an kai

8

Union Home Minster Amit Shah chuan coronavirus a kai a. Medanta Hospital, Delhi bul Haryana a Gurugram ah dahluh nghal a ni.

Amit Shah chuan ‘a that’ thu sawiin doctor te thurawn anga damdawi In a awm a nih thu a sawi a. Tun hnaia amah hnaiha awmte chu inenfiah vek turin ngenna a siam bawk.

Amit Shah an a kai tak avangin contact tracing tih nghal a ni a, amah hnaihte chu self-quarantine ti tura ngen nghal an ni bawk.

Kum 55-a upa Shah hian nilaini khan cabinet meeting neihah top minister te, PM Modi, defence minister Rajnath Singh leh Finance minister Nirmala Sitharaman te nen an awm ho va. He meeting hi National Education Policy pawma meeting pawimawh tak kha a ni.
PM Modi official residence a meeting neihah hian coronavirus protocol khauh taka kalpui nia sawi a ni.

Shah chuan, “A symptom ka neih avangin test ka nei a, ka lo positive ta a ni. Ka hriselna a tha a, doctor te thurawn angin damdawi Ina dahluh ka ni,” tiin a sawi.

Tun hnaia Amit Shah hmutu Union Minister Babul Supriyo chuan doctor te thurawn angin ka inkhung hrang nghal, tiin a sawi zui bawk.

Karnataka CM positive
Karnataka Chief Minister B.S. Yediyurappa chuan Covid-19 a kai thu sawiin doctor te thurawn anga damdawi ina a awm nghal thu a sawi.

Yediyurappa chuan, “Coronavirus ka kai a. Ka tha a, doctor te thurawn angin damdawi inah ka lut nghal a ni. Tun hnaia ka hnaiha awm hote chu fimkhura in-quarantine nghal turin ka ngen a ni,” tiin a sawi. A fanu pawhin a kai bawk.

H. Sudarshan Ballal, Chairman of Manipal Hospital chuan, “Hon. CM of Karnataka Shri BS Yediyurappa chu Manipal Hospital ah dah luh a ni,” a ti a.

“Amah a tha a, engmah fel lo a awm lo va, uluk taka enfiah reng a ni,” tiin a sawi bawk.

Kar kalta khan Madhya Pradesh Chief Minister Shivraj Singh Chouhan pawhin Covid-19 a kai tawh a, ni kaw chhung damdawi inah dah a nih hnuah a that tawh thu a sawi bawk a.

Tamil Nadu Governor Banwarilal Purohit pawhin coronavirus kaiin Chennai a Kauvery Hospital-ah dah a ni a, asymptomatic niin a dinhmun a tha thung.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy