Daily Newspaper

Hong Kong-ah khuahkhirhna nasa kalpui

12

Hong Kong khawpuiah chuan corronavirus leng nawn leh avangin khuahkhirhna khauh tak kalpui niin mi pahnih aia tam awmkhawm phal loh niin hei bakah hian retirement home leh facility a hnathawkte chu test ngei ngei tura tih an ni bawk.
Chinese city-ah hian nilaini khan kaithar 82 hmuhchhuah niin heng zinga 10 tih chauh loh chu tualchhunga inkaichhawn vek an ni.

November 17 atang khan virus kai 1,000 chuang a nei tawh a, heng zinga tlemte chauh hi khawpui pawn atanga kai te an ni. Hei vang hian sorkar chuan punkhawmnaa hmaikawr vuah lo te leh test ti lo te lakah hremna na zawk kalpui turin a ti bawk.

Punkhawm phal chin pahnih chauh tihah hian inneihna leh shareholder meeting-a mi 20 tih te chu a huam lo thung ang a. Sakhuana thila punkhawm leh group travel te chu a huam nghal vek thung.

Virus leng a nasat leh tak avang hian Hong Kong leh Singapore te chuan khualzin tihpun tuma ruahmanna an siam te chu kumin atan chuan an thulh zui bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy