Hong Kong final-ah Boulter a tlawm
British number one Katie Boulter chua Pathianni Hong Kong Open final-ah chiang fahranin Russian top seed Diana Shnaider lakah a tlawm a, mahse, final a thlen phak avang hian world ranking lamah a dinhmun a kan phah dawn ta tho a, vawiina WTA ranking thar tarchhuah turah hian a hniam berah pawh 23-na a luah pha dawn.
Second seed ni chunga inlan Boulter hian season kal laia a WTA title pathumna a beisei laiin darkar khat leh minute 11 lek chhungin world number 14 Shnaider chuan 6-1 6-2-in a sawp a; ti hian, tun season-a tennis khelhna leilung hrang hrang pathuma WTA final vawili a khelhah Shnaider hian hnehna a chang fai vek a, Hong Kong hma hian Thailand, Hungary leh Germany ram final-ah a lo chak tawh a ni.
Kum 20 mi, veikhawr lehnghal Shnaider-i chuan, “A mak hi ka ti em mai. Heti season hi a nih zel pawh ka beisei,” tiin kumina a hun hman dan sawi chungin a hmalamah pawh hmawsawn zel a inbeisei thu a sawi a, chu mi tur chuan rim taka a thawh chhunzawm tur thu leh season kal laia a tournament hmachhawn hnuhnungbera a chhungte tawiawmna hnuaia a champion leh thei lawmawm a tih thu hahipin a sawi.
Kum 28 mi Boulter khan season hmawr a khar khawng bawk a, a vawikhatna’n world top 25 huang a luah ve dawn.
Hong Kong final-ah Boulter a tlawm
