Hong Kong thuneitute chuan mi 151 vel thihna, kum tam tak chhunga kangmei rap thlak ber an thihna thlengah mi tam tak thihna thlentua puhin mi 13 an man tawh tih an sawi.
Police chuan Nilainia Wang Fuk Court estate-a in chhawng sang pasarih kang an en fiahnaah a cheng, tlanchhuah tum tih hriat tak tak ruangte chu kailawn, in chung zawl leh hmun dangah an hmu leh nual.
Tun thlengin chin hriat loh mi 40 chuang an la awm.
“Ruang thenkhat chu meivapah a chang tawh a, chin hriat lohte hi hmuh vek an nih a rinawm lo,” tiin police hotu, Tsang Shuk-yin chuan thuthar lakhawmtute hnenah a sawi.
Kangmei a chhuah laia in hualchhuaka mau hmanga a rel siama lên hring zar endik tawh chinah chuan kangmei man kai chak tur veng thei tur engmah a awm lo niin a chhui hna thawktu zinga pakhat chuan a sawi.
In thawm that hna thawk mek contractor-te chuan endiktuten an endik mai theih lohna, thlen harsatna hmunah hetiang hmanraw him lo hi an hmang niin Chief Secretary Eric Chan-a chuan a sawi.
Contractor-ten foam insulation an hman pawh mei kang tialh zualtu a ni a, fire alarm pawh a nih tur angin a ri lo niin an sawi bawk.
In kanga thi tate sunin mi sang tel an pung khawm a, thi zingah hian sekrek khawiha inhlawh Indonesian pakua vel leh Philippines pakhat a tel a. Estate-a kal khawm turin kilometre khat chuang mi an intlar.
Tokyo, London leh Taipei-ah pawh thite hriat rengna hun hi hman a ni bawk.
In kang taah hian ruang chhe tawh tak tak tam tak an awm a, finfiaha hai chhuak vek tur chuan chawlhkar tam a duh dawn niin thuneituten an sawi.
Police-in thlalak an tihchhuahah chuan hazmat suit, hmai tuamna leh lukhum khumin officer-ten pindan bang kang dum tak leh bungraw darh, maivap tam tak leh a thelhna tui tling karah finfiah hna an thawk tih a lang.
Apartment block kang taah khan mi 4,000 chuang an cheng a, hima chhuakte pawh engtin nge an awm zui dawn tih hriat a ni rih lo.
Mi 1,100 chuang chu an dah khawmna hmun atangin in an luah lailawk turah an chhuak tawh a, mi 680 vel chu hostel leh khualbukah an awm mek bawk.
Sorkar chuan chhung tin hnenah HK$10,000 a pe dawn a, puihna dang bakah identity card, passport leh inneih certificate thar a pe dawn bawk.
Wang Fuk Court-a in chhawng sang pasarih kang ta hi kum 1948-a kudam kanga mi 176 an thih hnua an khawpuia in kanga mi an thih tam leh ber tum a ni.
Hong Kong in kang chhuinaah mi 13 man tawh
