Daily Newspaper

Hong Kong mipuite inthlan sawnah lungawi lo

9

Hong Kong police-te chuan sorkarin legislative election neih tur thulha a sawn hlat duh loh avanga lungawi lohna lantirtute chu pepper-spray hmanga kapin chet an lak khum.

Lungawi lohna lantirtu mi 300 chuangte chu man an ni bawk a. Hong Kong inthlan hi 6 September a neih tur a ni a, sorkar chuan kum khat atan a sawnhlat thu sawiin chhuanlamah coronavirus leng mek chu a hmang a ni.

Opposition-te chuan sorkar chu pandemic leng mek chu mipui tena vote an thlak theih loh nana remchanga hmangah an puh thung.

Opposition te chuan Legislative Council (LegCo) inthlanah majority an neih ngei an inbeisei lai a ni a, hei hi Beijing-in Hong Kong-a dan thar kalpuia territory zalenna nasa taka a tihdahlau tawh avanga mipui chhanletna lantirna remchang ni turah an ngai a ni.

British colony hlui Hong Kong hi China hnenah kum 1997 khan hlan let a ni a, inremna siamah Hong Kong chuan autonomy a neih chu kum 50 chhung tal la nei tura tih a ni.

Hong Kong-a pro-democracy te chuan nikuma district council inthlanah nasa taka chakna changin council 18 awmah 17-ah chakna an chang a ni.

Hong Kong sorkarin inthlan sawn hlat thutlukna a siam ni hian mi sang tam takte chu kawtthlerah pungkhawm nghalin, ‘Vote thlak tura dikna ka neih min pe let rawh u’ tiin an aurual a, police tam takin an hual thung.

(THE AIZAWL POST – Rampawn)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy