Assembly House-ah hian duh dan dana awm phal a ni lo a, thut duhdah te, thil ei te, phal loh thil a tam. Dan a awm a, dan chu a chhungah pawh lekkawh a ni thin. Mahse, dan bu a awm reng chungin tun hnaiah office order an chhuah.
February ni 27 khn Assembly Secretariat-in order an chhuah a, “Bawp khawkherha thut phal a ni lo,” tih te, bengchhen phal a nih loh thu te, phal loh thil hrang hrang panga a chuang.
“Mizoram Legislative Assembly, a bik takin Session Hall a lo zahawm theih nan leh Parliament-in a phut angin heng a hnuaia tarlante hi Session Hall chhunga lut turte’n order chhuah a nih atang hian zawm tur a ni a,” tiin he order-ah hian an ziak.
“He office order hi khawng taka kengkawh tur hian police duty te leh Assembly Secretariat staff duty te kutah mawhphurhna dah a ni,” tih a ni.
Zawm tur thil panga he order-a an ziahte chu: “Mobile phone hi Session Hall-ah official emaw visitor-te tanm switch off loh chuan ken loh phal a ni lo,” tih te, “Ip, tiang, hriamhrei etc lakluh phal a ni lo,” tih te, “Bengchhen phal a ni lo a, buaina siam loh tur a ni,” tih te, “Bawp khawkherha thut phal a ni lo,” tih te, “Kuhva khawr etc ei phal a ni lo,” tih te a ni.
House-a zawm tur chungchangah order chhuah
