Mizoram State Legislative Assembly Session 9-na thutkhawm vawi hnihna chu Thawhtanni khan tan a ni a. House-a thu sawitu larsap Dr Hari Babu Kambhampati chuan House member-te chu anmahni thlangtlingtute laka an bat leh mawhphurhna hre turin a chah. Hmunphiah man a san theih loh chungchang chu Assembly House-ah an chai rei hle a, a chhan lian ber nia hriat, Bagha-a old stock awm vanga rawn lei tum an awm leh awm loh chungchangah ruling leh eptu member hriat dan a inang lo thung.
Leader of Opposition Lalchhandama Ralte leh eptu member dang chuan hmunphiah hralhna man a san theih loh avanga a chingtute manganna chu Nilainia Assembly Session-a sawichhuakin, sawrkar chu a sawi anga awm loah an puh a, man tlawm taka hmunphiah hralh mektute hnenah support price pe turin an ngen.
A changtu minister Lalthansanga chuan Haryana lam mi RR Associates hi hmunphiah lei tura an biakpawh theih awmchhun an ni a. An ni lo hi kuminah hmunphiah lei tur an rawn kal lo tih a sawi. Sawrkar hriat dan chuan Bagha-ah ‘old stock’ a la tam hle a, hei vanga midang rawn lang ta lo nia an hriat thu a sawi bawk.
“RR Associates hian experience an la nei lo hle a, an han ti dawn a, rin aiin hmalak dan a dik tawk loa, harsatna kan nei chho ta a ni. Sawrkar ang pawhin theihtawp kan chhuah a, lei tur kan zawng zel a, Lunglei district Tlabung lamah Taj company, Mamit district Dampa lamah Gala company an rawn lut a, RR Associates hian hmar tlangdung lamah an lei mek,” Lalthansanga hian a ti.
Support price hi sawrkarin pek a duh viau rualin, sawrkar dan anga kal dawn chuan heng item hi sawrkar file-a a kal a, notified a ngai a. Awlsam taka tih theih a ni lo tih a sawi a. 2025- 2026 ah chuan lei an tum angin a rate fix sa in, society-in an lei anga, sawrkar chu facilitator mai a ni dawn tih a sawi a ni.
Dampa bialtu MLA Lalrintluanga Sailo chuan minister-in Bagha-ah old stock a awm nia a sawi chu a dik lo tih sawiin, kar hmasa mai khan Serlui bialtu MLA Lalrinsanga Ralte nen an zuk finfiah tih a sawi a ni.
House leader, chief minister Lalduhoma chuan sawrkarin thlai thar pali lei turin an intiam a, a rate pawh mipuiah an puang a, chutah chuan ‘hmunphiah hring’ an telh lo hrim hrim a, an telh ngai dawn bawk lo tih a sawi a. Heng an thlai thar lei hi tun sawrkar kum thara an tih tura an puanlawk a ni tih a sawi.
“Thlai thar dang pathum chu sawrkar rate siam aia thaa leitu an awm avangin buaipui a ngai loa, sum pawh sen a ngai lo. Hmunphiah pawh chutia tih chu kan tum a, kan rate anga lei duh a (RR Associates) awm a, an lei mai tura kan ngaih laiin beisei an phak loa, man power an lo nei loa, kan chesual a ni. Hetiang a nih takah chuan mahni buaipui dan dana buaipui mai turin kan ti a, hei hi sawrkar hmasa lama tih dan ang bawk a ni. Nakum lam atang erawh chuan area wise a tih a ngai tih kan zirchhuak tawh,” a ti.
Support price pek tur an nei reng a, pe dawn se, a chingtute hi an lo inhralh nel nual tawh a, an lei dan record a awm loa, hmun tinah society a ding bawk si loa, tuna pek tur chuan a buai nuai tawh a, a nih nih ni phawt mai se, an ti ta tih a sawi a ni.
“Old stock a awm hi kan harsatna a ni tih hi sawrkarin thu a dawn dan a ni. Hei bakah hian a man inpek lawk engemawzat a awm bawk. Rs. 70 in, heng ho hian pawisa an dawng tawh a, pawisa petu hnenah an lo hralh lo thei lo. A hringa lei tum Vai ho lo dang leh vau deuh pawl an awm a, kuminah an rawn lut tha ngam loa, hei hi buaina belhchhahtu a ni,” chief minister hian a ti.
Sawrkar hmasa in royalty a laksak thin chu, eizawnna ngelnghet la nei lo, chhiah laksak tlak an la ni lo, tiin chhiah an awl a. Transit pass pawh lak loh an duh laiin, transit pass tel loin Vairengte thlang lamah a tlang thei loa, awl an duh lo ni loin, loh theih loh avangin an ti tih a sawi bawk.
Minister Lalthangsanga’n House-a a chhanna dang:
8 Hmunphiah lei tura tih RR Associates hi sawrkarin inremna a siampui hranpa loa, sawrkar rate bituk aia hniam loa lei a phalsak zawk.
8 An inremnaah tax lakna tur provision siam tel a ni loa, transit pass pe chhuaktu EF&CC department hnenah erawh administrative cost kg ah Rs.1 an pe ve.
8 Sawrkar chuan kum 2024 chhung atan bik hmunphiah ro leina tur rate grade-A kg khat Rs.100 aia hniam lo leh grade B ah kg khat Rs.80 aia hniam lo turin a bituk a, a hringa leina tur rate erawh a bituk lo. Hmunphiah hring hi tiro turin hun leh tha tam tak senga buaipui ngai a nih avangin sawrkar tan a hringa lei a remchang rih loa, a hringa hralhna rate fix a ni ve rih lo.
8 Hmunphiah hi Zo leh phaiah a thar hun a inang lo hle a. A leitu pawnlam miten Vairengte leh a chhehvela a thar tih an hriat meuh chuan Zo lam ami chu a lo chang hman tawh thin a. Hei hian a hring rate siam pawh a tih harsat phah a ni.
Lalrinsanga Ralte nen an zuk finfiah tih a sawi a ni.
House leader, chief minister Lalduhoma chuan sawrkarin thlai thar pali lei turin an intiam a, a rate pawh mipuiah an puang a, chutah chuan ‘hmunphiah hring’ an telh lo hrim hrim a, an telh ngai dawn bawk lo tih a sawi a. Heng an thlai thar lei hi tun sawrkar kum thara an tih tura an puanlawk a ni tih a sawi.
“Thlai thar dang pathum chu sawrkar rate siam aia thaa leitu an awm avangin buaipui a ngai loa, sum pawh sen a ngai lo. Hmunphiah pawh chutia tih chu kan tum a, kan rate anga lei duh a (RR Associates) awm a, an lei mai tura kan ngaih laiin beisei an phak loa, man power an lo nei loa, kan chesual a ni. Hetiang a nih takah chuan mahni buaipui dan dana buaipui mai turin kan ti a, hei hi sawrkar hmasa lama tih dan ang bawk a ni. Nakum lam atang erawh chuan area wise a tih a ngai tih kan zirchhuak tawh,” a ti.
Support price pek tur an nei reng a, pe dawn se, a chingtute hi an lo inhralh nel nual tawh a, an lei dan record a awm loa, hmun tinah society a ding bawk si loa, tuna pek tur chuan a buai nuai tawh a, a nih nih ni phawt mai se, an ti ta tih a sawi a ni.
“Old stock a awm hi kan harsatna a ni tih hi sawrkarin thu a dawn dan a ni. Hei bakah hian a man inpek lawk engemawzat a awm bawk. Rs. 70 in, heng ho hian pawisa an dawng tawh a, pawisa petu hnenah an lo hralh lo thei lo. A hringa lei tum Vai ho lo dang leh vau deuh pawl an awm a, kuminah an rawn lut tha ngam loa, hei hi buaina belhchhahtu a ni,” chief minister hian a ti.
Sawrkar hmasa in royalty a laksak thin chu, eizawnna ngelnghet la nei lo, chhiah laksak tlak an la ni lo, tiin chhiah an awl a. Transit pass pawh lak loh an duh laiin, transit pass tel loin Vairengte thlang lamah a tlang thei loa, awl an duh lo ni loin, loh theih loh avangin an ti tih a sawi bawk.