House-ah minister-in thudik lo a sawi – MNF

MNF-in an sawrkar tirh phata Zarkawt Veng retailer thlak anga minister Lalthansanga’n a sawi chu thudik lo a ni tih MNF party chuan an sawi.
MNF Gen. Hqrs. thuchhuak chuan February 22-a Budget Session neihah minister Lalthansanga hian Zarkawt Venga retailer chu 2018 MLA inthlana MNF kaihhruai sawrkar ding thar chuan ban nghalin, 2018 kum tawpah a thar an ruat nghal nia sawiin, MNF kaihhruai sawrkar kalta chu dan bawhchhiain, duhsak zawngte duhsaka rorel angin a sawi tih a sawichhawng a. Mizoram rorelna in sang ber chhunga thudik lo a sawi mai chu pawi a tih thu sawiin, ‘Thudiklo hmanga mipui kaihhruai tumnaah kan ngai a. Thudik puangchhuak turin kan ngen a, House-ah thubelhchian dawl lo sawi tawh lo turin kan ngen,’ a ti.
Retailer-te chu term nei an ni a, a nilaiten dan an bawhchhiat a, dan anga an chungthu rel a nih loh chuan tumah a hun hmain duhsak zawng pawh dah theih a ni lo tih MNF hian an sawi a. DCSO (East) document 20.8.2019 a tihchhuah ang chuan Zarkawt Fair Price Shop retailer tur hian K Zoramena, Zarkawt chu dan ang thlapin a hmaa lo chelhtu term tawpah chauh ruat a ni tih a sawi.