Mizoram Legislative Assembly inkhawm Nilainia neihah MLA ni tawh mi pathum sun an ni.
Mizoram sawrkara deputy chief minister, finance minister leh opposition leader ni tawh Lalhmingthanga, People’s Conference party hruaitu hlun thin, MLA-a tum thum (1978, 1979 leh 1984) a tling tawh te; MNF rammut laia Lt Colonel dinhmuna kai hman, MNF Thalai president hmasa ber ni bawk Lalrinmawia, MLA (1987) a MNF ticket-a tling leh; MNF ticket bawka kum 2003-a MLA-a thlan tlin R Khawpuithanga te chu an chanchin House leader, chief minister Zoramthanga’n a chhiarchhuak a, anmahni uina leh thlahna thu a sawi.
House leader bakah hian member dang – Tawnluia, Dr R Lalthangliana, Lalchamliana, Lalrintluanga Sailo, Lalduhoma, Zodintluanga, Vanlalhlana, KT Rokhaw ten uina thu an sawi a. Hemi hnu hian speaker Lalrinliana Sailo kaihhruaiin sunna hun hman a ni.