Daily Newspaper

Hri hmuhchhuah vangin restricted area-ah Trinity Hospital puang

13

Trinity Hospital, Melthum ami chu a damlo, a awmpuitu leh thawktute atanga Covid-19 kai hmuhchhuah an awm avangin sawrkar chuan July 14 zing dar 4:00 atanga July 21 zing dar 4:00 thleng restricted area-ah a puang.

Restricted area-a puan hun chhung hian Aizawl West chief medical officer-in a tul angin hri kai zawnchhuah beihpui leh a kaihhnawih pawimawhte a neihpui anga, hri kai dinhmun uluk taka thlithlaiin, district bawrhsap hnenah report a pe thin anga, a tul angin ruahmanna a siam thei dawn a ni. Trinity Hospital hi hriselna lama mipui mamawh ang thawktu leh petu a nih avangin, restricted area-a puan hun chhung hian CMO Aizawl West-in damlote tana harsatna a awm loh na turin ruahmanna a siam anga, emergency case damlote chauh en theih an ni ang. Loh theih loha damlo dahluh emaw chhuahtir ngaite chu Covid-19 hri lakah an fihlim ngei tih finfiah phawt tur a ni a, hetiang an awm a nih chuan CMO Aizawl West hriatpuina lak tur a ni tih bawrhsap thuchhuah chuan a tarlang.

Trinity Hospital thuneitute pawhin thuchhuah siamin, an damdawi in chhunga hri kai hmuhchhuah a nih avang hian an hmalakna siamthat ngai lai leh tihdanglam ngaite zrichiang a, chiangkuang zawka ruahmanna duangfel turin, July 13 -16, 2021 chhung pawnlam atanga damlo, an damdawi in pan tumte tan OPD service pangngai an khar rih dawn a, damlo awmsa enkawl zui ngai leh emergency case (loh theih loh) tih loh chu hmundang pan rih turin an ngen tih a tarlang.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy