Daily Newspaper

Hri kai awm vangin damdawi in khar rih

20

District Hospital Mamit-a doctor pakhat chu Covid-19 a kai tih hriatchhuah a nih avang leh, amah hnaih/bungrua khawih pawlh hnai zual deuh thawktu dang 6-7 vel chu khunghran nghal an ni. Hri kaichhawng thei inchhuizui a ngaih avang leh then thianghlim a ngaih dawn avangin damdawi in July 20 atanga chhiarin ni thum chhung kharkhip rih a ni dawn.

Medical superintendent, District Hospital Mamit thuchhuah siam danin, doctor hi July 19 zan khan a awmdanah a inrinhlelh avangin Rapid Antigen Test tih a ni a, Covid-19 a kai tih hriatchhuah a ni. Primary high risk contact zingah doctor 4 leh staff 2/3 vel an tel avangin heng staff-te hi alo berah kar 1-2 tal khunghran lailawk an ngai dawn a, hetih hun chhung hian heng OPD/ procedure – Medicine, General/ Endoscope, Surgery, Paediatrics, Obst & Gynaecology te khar rih tura tih a ni.

Heng thil thleng avang hian hospital chu inthen thianghlim leh fimkhur thu hlaah contact tracing neih a ngaih dawn avangin, July 20 atanga ni thum chhung kharkhip a ngai dawn tih mipui a hriattir a. Hemi chhung hian emergency erawh a ngaiin kalpui a ni anga, damlo na zual bak sawrkar dan dinglai angin in lamah tawmim tura ngen an ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy