Daily Newspaper

Hri kai hmuh thar 31; Dam vanga chhuahtir 124

12

September 30-a sample lak endik zingah Covid-19 kai hmuh thar 31 an awm a. Hri kai vanga enkawlna hmuna dah, dam tawh mi 124 chu chhuahtir an ni ve thung.

ZMC RT-PCR laboratory-ah sample 364 test, October 1-a result tihchhuahah Covid-19 kai thar 15 hmuhchhuah a ni a. Tualchhunga inkaidarh theiha ngaih endik engemawzat awm mah se, an zingah hian hri kai thar hmuh an awm lo.

ZMC lab-a endik zinga hri kai hmuhte Aizawl district-a sample lak vek niin, Chanmari West-a cheng pakhat, Karimganj district Assam atang lo haw, home quarantine lai a ni. Dawrpui Vengthara cheng hnamdang pakhat, Assam atanga lo lut, sawrkar khunghranna hmuna awm mek pawh hri a kai tih hmuh a ni a. A bak 13 hi BSF vek niin, Mizoram pawn atanga rawn lut, sawrkarin quarantine facility a ruahman saka khunghran mek an ni.

Heng mi 15-te hi anmahnia natna langchhuak la awm lo vek an ni.

Lawngtlaia TrueNAT laboratory-ah Covid-19 kai hmuh thar 5 an awm a, Jharkhand atanga lokal, Border Roads Organisation mi vek, quarantine facility-a khunghran lai, symptom neilo an ni.

Rapid Antigen Test hmanga hri hmuhchhuah hi Aizawl district-ah 1, Serchhipa awm Assam Rifles mi, a damloh avanga Aizawl inentir tura kal, Civil Hospital, Aizawla Covid a kai tih an lo hmuhchhuah a ni.

Kolasib district-ah 10 hmuh thar a ni a. CIJW School Vairengte ami 7 leh CIJW Lailapur-a mi 3 an ni. An vai hian symptoms neilo an ni. Cachar district, Assam ami hi ICMR application (Mizoram ID) hmanga SRF generate a nih avangin Mizoram case-a chhiar tel a ni.

Hetihlai hian Ningani khan Covid kai avanga enkawlna hmuna enkawl mi 124 chu an dam tawh avangin in lama haw tura chhuah an ni. Home isolation-a awm negative tawh 6, ZMC 4, Zobawk CCC Lunglei 19, SIRD CCC Pukpui Lunglei 9, Polytechnic CCC Thingdawl 3, CCC Sakawrdai 1, BRO CCC Zokhawsang 3, Hlimen Community CCC 15, Tribal Art Centre Tanhril 9, Finance Building CCC ITI 21 leh Montfort CCC Melriat 34 an ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy