Daily Newspaper

Hri kai hmuh thar 40, dama chhuak 3

10

September 15-a result chhuakah Mizoramah hri kai hmuh thar mi 40 an awm a. Hri kai vanga enkawlna hmuna awm a, dam tawh mi pathum an chhuak thung.

September 14-a ZMC RT-PCR laboratory-ah sample 995 test-te chu September 15 khan result tihchhuah a ni a, Covid kai thar 35 hmuhchhuah a ni. District hrang hrang TrueNAT laboratory-ah hri kai 3 hmuhchhuah niin, Rapid Antigen Test hmangin hri kai 2 hmuhchhuah an ni.

RAgT hmanga hri kai hmuhchhuahte hi Lawngtlai district atangin pakhat, tualchhung atanga kai nia hriat leh, Khawzawl district atangin pakhat, Uttar Pradesh atanga lokal a ni.

TrueNAT laboratory-a hmuhchhuah zingah Lunglei district-ah Uttar Pradesh atanga loal, quarantine centre-a awm mek, 131 Bn BSF mi a ni a; Hnahthial district-ah mi pahnih Assam atanga lokal, quarantine facility-a awm an ni.

September 15 khan hri kai avanga enkawlna hmuna enkawl, dam ta mi pathum, ITI CCC Aizawl amite chu chhuahtir an ni ve thung.

Heti hian September 15 thlenga chhinchhiah danin, Mizoramah Covid kai hriatchhuah tawh mi 1468 awmin, enkawlna hmun atanga dama chhuak tawh mi 923 an awm a, enkawl mek 545 an awm.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy