Daily Newspaper

Hri kai hmuhchhuah let tir 68 awm

29

Kolasib district kaltlanga Mizorama lirthei hmanga lut tur, Covid-19 kai hmuhchhuah zingah anmahni duh anga an state-a inenkawl tura let tir mi 68 an awm tawh.

Thudawn danin Vairengte Screening Point-ah hian October 5 tlai dar 5.00 thleng khan Covid kai hmuhchhuah 200 an awm tawh a, an zinga 64 chu anmahni awmna state lama inenkawl an duh avangin thawnlet an ni. Bairabi Screeing Point-ah hnamdang driver leh handyman hri kai mi 10 hmuhchhuah an ni tawh a, mi 4 chu anmahni state lama inenkawl an duh anga let tir an ni bawk. Hetihlai hian Thawhtanni tlai thleng khan Covid Care Centre Thingdawl Polytechnic-ah trucker zinga hri kai pahnih leh SIRD Kolasib CCC-ah pakhat an awm mek a, midang chu enkawl dam ni tawhin enkawlna hmun hi an chhuahsan tawh a ni.

Mizoram mamawh bungrua phurhluhna pui ber Vairengte kaltlangah hian bungraw phur truck engemawzat an luh reng avangin truck enkawltuten Covid hri an kaidarh palh hlauhthawn thu ah kumin August 10 khan Kolasib district thuneitute chuan, remchanga la in kawngchhia vanga tang mek truck enkawltute hi Covid test an neih sak a, heta tanga hmuhchhuah an awm avang leh hri kaichhawng tualchhung mi an awm nia a lan avangin test hi ngawrh taka neih zui a ni.

Hemi atanga hri kai hmuhchhuah tawh hi 308 niin, heng ziga 5 chu tualchhung mi, heng truck enkawltute atanga kaichhawng nia ngaih an ni. A bak mi 303 hi Mizorama bungraw phurluttu truck driver leh handyman te an ni.

Vairengte Screening Point-a hri kai hmuhchhuahte hi CCC-ah enkawl thin an ni a, hri an kai tawh lo tih finfiah hma chu awmtir thin an ni. Hetihlai hian heng truck enkawltute hian hri kai vanga khunghran an duh loh thu hi an lo sawi fo tawh a, lungawilohna pawh an lantir tawh thin. Hri an kai a nih pawhin Mizorama khunghran loha let leh mai an duh zawk thu pawh an sawi tawh.

Hemi ang hian hma lak zui nia hriat a ni a. Vairengte-a screening point neih hnu ah Rapid Antigen Test hmangin mi 21779 test tawh anga record a ni a; driver leh handyman-te hi test nawn an tam hle tawh niin thudawn a ni bawk.

Bairabi a Rapid Antigen Test kalpui a nih hnuah mi 761 test neih tawha record a ni bawk.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy