Daily Newspaper

Hri kai hmuhthar vanga chiai lo turin chah

11

Lawngtlai bawrhsap Dr Andrew H. Vanlaldika chuan Thawhtanni khan Lawngtlaia thuthar thehdarhtute kawmin, Covid-19 dona kawnga Lawngtlai district hmalakna a sawipui.

Bawrhsap chuan September 19 & 20-a District Hospital Lawngtlai TrueNAT laboratory-a swab sample test atangin Lawngtlaia 71 RCC (Road Construction Company) Camp-a Border Roads Organisation mi, khunghran lai zingah Covid kai 6 hmuhchhuah an ni tih sawiin, heng mite hi anmahniah hri kai lan chhuahna (symptom) a awm loh thu leh hriatchhuah an nih veleh quarantine centre atanga Lawngtlai Covid Care Centre-a sawnluh nghal vek an nih thu a sawi. Hri kai hmuh chhuahte hi khunghran lai zel an la nih avangin district mipuite chiai lo tur leh hri laka an him theih nana sawrkarin tih tur a tih leh inkaihhruaina a zamte chu tha taka zawm turin a chah nawn a ni.

Tun dinhmunah Lawngtlai district-ah Covid-19 kai 40 hmuh chhuah tawh niin, an zinga 30 chu dam takin chhuahtir an ni tawh a. Enkawl lai 10 zinga 1 chu ZMC-ah enkawl niin, a bak 9 chu Lawngtlai CCC-a dah an ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy