Daily Newspaper

Hri kai mi pakua hmuthar Test atangin hri kai 2.44%

15

September 7 zana sample test zingah Covid-19 kai thar mi 9 hmuh an ni. Heti hian RT-PCR, Rapid Antigen Test leh TrueNat hmanga endik tawh atangin hri kai hi za zelah 2.44 an awm a ni.

ZMC RT-PCR laboratory-a sample 366 test atangin hri kai hmuh thar 6 an awm a. Rapid Antigen Test hmangin 3 hmuh thar an awm a, Lunglei Civil Hospital TrueNAT laboratory-a sample 17 test erawh a negative vek thung. Heti hian Thawhtanni zana test atangin mi 9 hri kai hmuh thar an awm a ni.

ZMC laboratory-a positive hmuh tharte hi Aizawl district-a sample lak pathum leh Kolasib district-a sample lak pathum an ni a. Aizawla hmuh tharte hi Mizoram Police, Beraw CCC-a security duty an ni a, positive contact atanga kai an nih rin a ni. Armed Veng South-a cheng mi pahnih, an taksaa hri hnathawh langchhuak lo leh Hualngohmun ami a taksaa hri hnathawh langchhuak te an ni.

Kolasib district-a positive hmuhchhuahte hi North Chaltlang khuaa cheng hmeichhe naupang kum 2 mi, kumin August 29-a Tripura atanga lo kir, khunghranna hmuna awm mek leh Assam (Hailakandi leh Katlicherra) a cheng mipa ve ve, Thingdawl Quarantine Centre0a awm mek an ni a, an taksaa hri hnathawh la lang lo vek an ni.

Kolasib district-ah Rapid Antigen Test hmanga hri kai hmuh thar pahnih an awm a. Tripura leh Tamil Nadu ami lirthei khalhtute an ni. Vairengte check gate-a endik zing ami an ni a, Covid-19 symptoms nei an awmlo.

Serchhip district-ah Rapid Antigen Test hmangin hri kai pakhat hmuh thar a awm bawk a. Sipai (Assam Regiment) Jammu & Kashmir atanga chawlh laa lo haw, Chhingchhip Mualpuia cheng niin, symptoms nei lo a ni.

Heti hian September 8 tlailam thlenga Health & FW department chhinchhiah danin, Mizoramah Covid-19 kaihhnawihah RT-PCR, Rapid Antigen Test leh TrueNat hmanga endik 45925 atangin hri kai 1123 hmuhchhuah an ni tawh a, za zelah 2.44 a ni. Hri kai 1123 zinga 745 chu enkawlna hmun atangin dam (negative) a chhuahtir an ni a, za zela chhutin 66.34 an ni. Tuna hri kai enkawl mek hi 378 an ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy