Daily Newspaper

Hri kai tawh atangin damchhuak 63.85%

8

Thawhtanni tlai thleng khan Mizoramah Covid hri kai hmuhchhuah tawh atanga dama enkawlna hmun chhuahsan leh tawh chu za zelah 63.85 an ni.

September 21 tlai dar 5 thlenga Health department chhinchhiah danin, Mizoramah hri kai hmuhchhuah 1585 an awm tawh a, heng zinga 1012 chu an dam (negative) tawh a, hri kai enkawlna hmun atanga chhuahtir (discharged) an ni. Hri kai tawh zat atanga chhutin dama chhuak hi zaa 63.85 a ni a, enkawl mek 573 awmin zaah 36.15 a ni.

September 20 khan ZMC RT-PCR laboratory-ah sample 1030 test a ni a, hri kai 4 hmuhchhuah a ni. Hmuhchhuah tharte hi mipa pahnih leh hmeichhia pahnih, Durtlang Leitan mi, hri kaite atanga kaichhawng niin, an ina khunghran mek sa an ni. Mi pahnih chu an taksaah Covid hri natna a langchhuak a ni.

Lawngtlai district-ah TrueNAT laboratory atangin hri kai mipa pahnih, Border Roads Organisation mi, 71 RCC Lawntlai quarantine facility-a awm mek hmuh thar an ni a. Kolkata atanga lo kal niin September 11 khan Lawngtlai an thleng. Covid-19 symptoms an nei lo.

Mamit district-ah Rapid Antigen Test hmangin hri kai pakhat, Power & Electricity Department-a thawk, Tezpur Assam atanga lokal chu hmuhthar a ni a, Covid-19 symptoms a nei lo.

ZMC-ah Covid kai enkawl mek 67 an awm a, Isolation Ward-a awm zingah khawsik nei pahnih leh khuh leh hrawk bawr nuam lo tlem azawng an awm a, ngaihtuahawm erawh an ni lo tih ZMC hotutue chuan an sawi. SICU-a hri kai awmin harsatna em em a nei lo tih an sawi bawk.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy