Daily Newspaper

Hri kai thar 28 zinga 18 Assam Rifles

31

Covid-19 kai leh kai loh sample lakte September 17-a endik zingah hri kai hmuh thar 28 an awm a; heng zinga 18 hi Assam Rifles mi an ni.

ZMC RT-PCR laboratory-a sample endik zingah Covid-19 kai hmuh thar 18 an awm a, an vaiin Aizawl district-a sample laksak, Assam Rifles mi vek, Zokhawsang Aizawl-a khunghran mekte an ni. September 15-a sample laksak an ni a, symptoms neilo vek an ni.

Kolasib district-a Rapid Antigen Test hmanga endik zingah Bairabi screening point-a endik, Hailakandi district Assam ami truck khalhtu chu hri a kai tih hmuhchhuah a ni. Lungleia TrueNAT laboratory-a endik atangin mi 6, Andhra Pradesh, Telangana leh Odisha atanga Mizorama lokal, BSF mi vek hri kai hmuh thar an awm bawk a. Quarantine centre-a awm lai vek an ni.

Serchhip district-ah mi 2, Assam atanga Mizorama lokal, Tantia Construction company hnathawk, Thenzawla anmahni hmuna inkhunghrang mek hmuh thar an ni bawk a, symptoms neilo an ni.

Zirtawpni zinga result tihchhuaha hri kai 28 zingah hian positive contact atanga kai chu mi pakhat chauh awmin a bak zawng hi Mizoram pawn atanga lo lut, state dang mi vek an ni.

September 18 zing thlenga Mizorama hri kai hmuh tawh mi 1534 atangin state pawn atanga hri kaia rawn lut ni lo, tualchhunga inkaidarhna atanga kai nia ngaih mi 368 an awm a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy