Daily Newspaper

Hri kai thar 31 hmuchhuak Volunteer-in hri kai ve ta

10

October 1-a sample endik zingah Mizoramah Covid-19 kai thar 31 hmuh an ni a. An zingah hian hlawh nei loa Covid donaa thawk – volunteer zing ami a tel.

RT-PCR-a endik ZMC laboratory atangin endik 215 zingah hri kai hmuh an awm lo a; TrueNAT laboratory-a hri kai endika hmuhchhuah hi Lungleiah BSF 7 – West Bengal, Assam, Odhisa, Jammu & Kashmir, Bihar leh Uttar Pradesh atanga lokal, quarantine facility-a awm, an taksaa natna lang lo vek an ni.

Kolasib district-ah pakhat Covid-19 volunteer CCC-a duty lai mek a ni. Champhaiah pakhat, chawlh laa Jammu & Kashmir atanga lo haw Indian Army niin, quarantine facility-a awm lai, symptom neilo a ni.

Mamit district-ah mi 5 awmin 4 hi Power & Electricity Department hnuaia thawk tur Tezpur Assam atanga lokal, khunghran lai an ni. Pakhat dang hi Tripura atanga lo haw, home quarantine lai a ni. An vai hian symptom neilo vek an ni.

Lawngtlai district-ah 15, Jharkhand atanga lo lut, BRO hnuaia labour hnathawk, quarantine lai, symptom nei lo vek an ni. Rapid Antigen Test hmangin Lungleia BSF mi 1 hmuhchhuah a ni a, zinchhuahna (travel history) neilo a ni a, symptom a neilo.

Mamit district-ah pakhat, Assam atanga lokal, Mamit JNV school zirtirtu niin, symptom neilo a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy