Daily Newspaper

Hri kai thar 43 zingah force mi 35 Assam Rifles zingah hri inkaidarh

27

September 28 zinga Mizorama result tihchhuahah Covid-19 kai hmuh thar 43 an awm a, heng zinga 35 hi para military force mi niin, Lunglei Kawmzawla Assam Rifles ho inkhunghranna hmunah hri inkaidarh a awm nia ngaih a ni.

Sample laksa, a hma nia laboratory-a endik, September 28-a result chhuakah hian ZMC RT-PCR laboratory-ah sample 854 endik zingah Covid kai 36 hmuhchhuah an ni a. Heng zinga panga hi tualchhunga hrikaite atanga kai chhawng nia hriat an ni.

Aizawl district-a sample lak vek an ni a. Bawngkawn South-ah mi 3, Armed Veng South-ah 1st bn MAP mi 1 leh Zonuamah 1 an ni. An vai hian mahni ina inkhunghrang mek an ni a, an taksaa natna langchhuak lo vek an ni.

ZMC laboratory-a test bawk midang 31 hri kai hmuhchhuahte hi quarantine facility ruahmana awm lai vek an ni a. Tunhnaia Mizorama rawn lut, khunghran lai mek Assam Rifles 10 bakah BSF mi 18 leh Pushpak Quarantine Facility-a awm Border Roads Organisation mi 1 an ni. An ni pawh hi an vai hian symptom nei lo vek an ni.

Maubawk Community Quarantine Facility-a awm mi 2, Noida (Haryana) leh Delhi atanga lokir pawh hri an kai tih hmuh thar a ni bawk.

Lunglei TrueNAT laboratory-ah Pathianni khan emergency test neih niin positive 6 hmuhchhuah an ni. Positive-te hi Assam Rifles mi vek niin, an vai hian tunhnaiah Mizoram pawna zinchhuak lo (travel history neilo) an ni a, positive contact atanga kai nia rinhlelh sa, anmahni hmun Assam Rifles Kawmzawl Lunglei-a inkhunghrang mek, symptom nei lovek an ni.

Rapid Antigen Test hmanga positive hmuhchhuah hi Durtlang Mel 5-a cheng, symptom nei a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy