Daily Newspaper

Hri kai thar zingah Assam Rifles 5; RAT tihtawp tum thu sawi a awm

31

Tunhnaia Covid-19 kai leh kai loh enfiahnaah Assam Rifles mi 5 chuan hri an kai tih hmuhchhuah leh a ni a. Hetihlai hian state sawrkar chuan Vairengte leh Kanhmun luhnaa hri kai a endik dan chu tihdanglam a tum nia sawi a ni.

September 1, 2020 khan Zoram Medial College lab-a sample 608 test zingah positive thar 7 hmuh a ni a. Rapid Antigen Test 695 zingah positive 1 hmuhbelh a ni . Lunglei TrueNAT laboratory a sample test 31 erawh a negative vek thung.

Thudawn danin ZMC-a enfiah hri kai hmuh tharah hian Assam Rifles 5 leh BSF 1 an tel a; state pawn atanga lokir, quarantine centre-a awm lai an ni. Hmuh thar zinga pakhat hi Aizawl College Veng ami niin, a pasal Covid9 kai atanga kaihchhawng nia ngaih a ni a, a hmaa RAT hmanga endiknaah negative a, test nawn lehnaah hri a kai tih hmuhchhuah a ni. A taksaah hri lanchhuahna a awm lo a ni

Chief secretary Lalnunmawia Chuaugno hoa August 25 thutkhawma rel angin kumin September tir atang hian Vairengte screening point leh Kanhmunah Rapid Antigen Test neih chu tihtawp tum a nih thu dawn a ni. Hetihlai hian Vairengte screening point-a Rapid Antigent Test neih a nih hnuah September 1 tlai thleng khan Mizorama lut tur hnamdang driver leh handyman zinga mi 104 chuan Covid-19 an kai tih hmuhchhuah a ni tawh.

Thudawn danin hnamdang driver leh handyman bakah lirthei hmanga rawn lut dangte hi, Vairengte leh Kanhmunah Rapid Antigen Test tih an ni a, hei hi September thla atang hian tihtawp tura rel a ni. Mizoram luhna Vairengte leh Kanhmunah hian thermal screening (khawsik enna) chauh kalpui tawh tura hma la turin Health secretary kutah dah a ni. Thermal screening hman anih lai khan Covid-19 positive hmuhchhuah an awm ngai meuh lo niin The Aizawl Post chuan thu a dawng.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy