Daily Newspaper

Hri kai vanga inkhung Mane

25

Liverpool forward Sadio Mane pawhin coronavirus a pumpelh zo ta bik lo a, nizan Premier League game-a Aston Villa an hma-chhawn tum pawhin khelmual a lut thei lo a, in lamah a inkhung-hrang mek.

Reds-in an midfiel-der Thiago Alcantara ‘positive’ thu an puan atanga nithum hnuah Mane hri kai thu hi nemngheh a ni ve leh a; karliamta Thawhtanni Premier League game lama 3-1-a Arsenal an hneh tum kha chuan goal pawh a la khung a, Ningani EFL Cup penalty peta Gunners an hneh takloh tum kha chuan squad-ah telh a ni ta lo.

Senegal winger Mane chungchanga Anfield club thuchhuah chuan an mihang for-ward-in symptom tenau nei bawk mah se a hriselna a tha niin an sawi a, an player hri vei dang Thiago Alcantara ang bawka Mane pawh midang tlawhpawh loa a khawsak thu leh an team chuan hripui laka inkhuahkhirhna leh inkaihhruainate chu tha taka an zawm zel tur thu an website kal-tlangin an tarlang.

Tun season-a a club tana goal thum thun tling tawh Mane theihloh lai leh international break a inrual chho dawn a, October ni 17-a league an chhunzawm leh hun Merseyside derby-ah Everton khelmual a lut hman dawn em a sawi-lawk mai theih rih lo.

Karliamta Thawh-tanni daih tawh khan Premier League chuan an huam chhunga hri kai endikna an kalpui hnuhnungberah mi 10 an ‘positive’ thu an puang a, hei hi season tan hnua test vawikhata hri kai an hmuhchhuah tamber tum a la ni.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy