Daily Newspaper

Hri vangin vawk la thih belh

POST NEWS SERVICE

18

African Swine Fever (ASF) hri a zia hret hret a, vawk thih belh erawh a la awm zel. Thih belh zat a tam ta lo thung.

AH&Vety department chhinchhiahnaa a lan danin, kar hmasa Zirtawpni, November ni 19 thleng khan Mizoramah ASF vangin 29,771 a thi tawh a, tun kar Zirtawpni, November ni 26 thleng khan vawk 29,796 a thi tawh. Kar khat chhungin vawk 25 a thih belh a, thih belh zat a tlem hret hret e.

ASF vang hian vawk 29,796 a thih tawh bakah vawk 10,380 tihhlum/suat (cull) a ni tawh.

Tun hnaiah vawk thih belh zat, vawk tihhlum zat a pung tlem a, ASF finfiahna hmun pawh hun engemaw chen chu a pung tawh lo. ASF hi veng/khua 271-ah hmuh a ni tawh a, hei hi thla hmasa lam atang khan a pung tawh lo.

ASF hi district tinah hmuh a ni a, Aizawl District chu a tuar nasa bertu niin, vawk 12,287 a thi tawh. Vawk suat zat erawh Serchhip District-ah a tam ber a, vawk 3,040 tihhlum a ni tawh. Vawk thih nasat berna Aizawl District-ah chuan vawk hi 2,612 tihhlum a ni.

AH&Vety department hotute chuan kum thar February thla velah ASF hrileng hi a reh an beisei a, mahse a reh han tih hian he hri hi Mizoram chenchilh zui tura ngaih a nih avangin, hri hi Mizoramin a tuar leh thei tih an sawi. |henawm state-te dinhmunah Mizoram dinhmun a innghat thui ang an ti bawk.

March ni 21 khan ASF vangin vawk a thi tan a, November ni 5 khan Mizoramah he hri vang hian vawk a thi lo. Chu chu March ni 21 hnua ASF vanga vawk a thih loh ni hmasa ber a ni. Zirtawpni khan vawk hi pariat a thi a, tun hnai te-ah chuan vawk thih tam ni a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy