Daily Newspaper

Hri vei hriatchhuah tam ber ni-ah mi 807

17

July ni 19 khan Mizoramah hri vei hriatchhuah mi 807 an awm a, hei hi hri vei hriatchhuah tam ber ni a ni. A hma chuan mi 662 hriatchhuah ni, June ni 20 kha hriatchhuah tam ber ni a ni.

July ni 20-a information department-in an puan danin, July ni 19 khan ZMC laboratory-ah mi 234 hriatchhuah an ni a, TrueNat laboratory hmangin mi 63 hriatchhuah nii, Rapid Antigen Test (RAgT) hmanga hriatchhuah mi 510 an awm.

July ni 19 hian endik pawh a tam a, mipa 3939 leh hmeichhia 3497, an vaiin mi 7436 endik niin, an zinga 10.85% chuan hri an kai a ni.

Mi 807 zingah hian a lanchhuahna natna (symptom) nei mi 443 leh chutiang nei lo mi 364 an awm.

Hriatchhuah tam berna RAgT hmang hian mi 4234 endik an ni a, ang zinga mi 510 (12.04%) te’n hri an kai. A tam ber chu Aizawl District-a hriatchhuah an ni a, mi 319 an ni. Lunglei District-ah mi 84 hriatchhuah an ni a, Kolasib District-ah mi 56, Mamit District-ah mi 23, Lawngtlai District-ah mi 18, Siaha District-ah mi paruk, Champhai District-ah mi pahnih, Serchhip District-ah mi pakhat, Saitual District-ah mi pakhat hriatchhuah an ni.

ZMC laboratory-a hriatchhuah hian Aizawl District mi 230 an awm a, Serchhip District mi pali an awm.

TrueNat laboratory hmanga hriatchhuahah Lunglei District-ah hriatchuah mi 19 an awm a, Champhai District mi 18, Siaha District mi 14, Lawngtlai District mi pakua, Hnahthial District mi pahnih, Aizawl District mi pakhat an awm.

July ni 19-a endikah hian an zinga 10.85% te’n hri an kai a, a hmaa hri kai hriatchhuah tam ber ni June ni 20 khan mi 1877 endik niin, an zinga 35.26% te’n hri an kai. June ni 20 kha za zela chhuta hri an tam ber ni a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy