August thla tirah Covid-19 vei zat a pung hluai a, mahse vanneihthlak takin hri vei zat hi a pung zui hluai lo.
Aizawl mipui tui tlan Tlawng lui a nu a, tui a nut avaAugust ni 1-ah khan mi pakua endik an ni a, an vaiin hri an lo vei. Ni 5-ah mi 10 endik an ni a, hri an vei vek. Inhnaih deuhin hri vei hriat chhuah thar mi 19 an awm a, May, June leh July, thla thum chhunga hri vei zat chiah a ni.
Hri vei enkawl mek zat pawh a pung dawrh; August ni 1-ah khan Covid-19 vei enkawl lai mi paruk an awm a, ni 2-ah mi 15 an awm. Ni 5-ah enkawl mek hi mi 21 an awm a, thla tir lamah hri vei hriat chhuah zat leh hri vanga enkawl mek zat a pung nasa hle.
Mahse vanneihthlak takin hri vei hriat chhuah thar zat a pung nasa zui lo a, ni 6 leh ni 7-ahte hriat chhuah an awm lo. Ni 8-ah pakhat hriat chhuah a ni a, chumi hnuah hriat chhuah thar an awm rih lo.
Ni 8-ah hian mi 27 endik an ni a, chumi hnuah ni 14 thleng khan mi 27 endik ni tawhin, hri vei an awm lo hlauh.
Hri vei enkawl lai pawh an awm rih lo; ni 8-ah khan enkawl lai hi mi 11 an awm a, ni 11-ah an vaiin an chhuak. Ni 11 hnuah hri vanga enkawl lai an awm rih lo.
Kuminah May thla atangin Covid-19 hri vei hriat chhuah an awm tan a, thla tin an la awm. Integrated Disease Surveillance Programme (IDSP) hotute chuan hri hi a darh nasa rih lo a, mahse fimkhur chu a ngai an ti.
Hri vei zat pung zui hluai lo
