Daily Newspaper

Hrileng karah tha takin zirlaite exam

26

Hrilengin zirna a tibuai a, zirlaite’n class an kal loh bakah exam pawh a tibuai. Mizoram University chuan hrileng karah a theih ang angin exam an buatsaih a, college zirlaite leh post graduate zirlaite’n result an nghak mek.

August leh September thlaah khan BA, BSc, B Com final zirlaite an exam a, MA leh MSc, B Tech, B Arch te an exam bawk. Anni hian result an nghak mek a, October thla chhungin result hi a chhuah a beiseiawm nia hriat a ni.

Exam hi online leh offline tea buatsaih niin duh a thlan theih a, offline hi thlang an tam lo tih thu dawn a ni.

Online hmanga exam-te chuan mahni in atangin zawhna an chhang a, zawhna hi a ruala hmuhtir niin, hun bituk chhungin an chhang a ni. Zawhna an chhang lai hi camera-a lak a ni a, an zirtirtute’n college atangin an thla (video) chu lo enin an lo veng thin. Exam pangngai ang thovin mahni zawh hun hunah email-in an chhanna chu an thawn a, zawhna chhan theih hun hi a hma ang bawka bituk a ni. An chhanna chu anmahni lo vengtute an zirtirtute’n an print a, chu chu Mizoram University (MZU) hnenah an hlan chhawng leh.

MZU hian a endik hna an thawk mek a, a endik lamah harsatna a awm loh thu leh kum danga an tih dan bawka an tih thu dawn a ni.

“Harsatna neuh neuh chu hmun thenkhatah te chuan a awm mai thei a, mahse hetiang baka tihngaihna hi a awm chuang lo a. Internet chak loh vanga harsatna han tawk deuh te pawh an awm a ni awm e,” MZU-a controller of examinations Prof Lalnuntluanga chuan a ti a, exam chungchangah sawiselna an dawn loh thu a sawi bawk.

Exam hi buatsaih zel an tum a, October ni 15031 chhung hian post graduate leh professional course (B Tech leh B Arc) zirlaite an exam leh dawn. December ni 1-18 chhungin post graduate III semester leh under graduate (college) I, III leh IV semester an exam leh ang.

Hrilen hnua admission ti post graduate I semester zirlaite chu nakkum February thlaa exam-tir tum an ni a, anni hi September ni 30 thlenga admission ti, class la tan lo an ni.

Prof Lalnuntluanga chuan hun harsaah thil a kal tluang tih a sawi a, University Grant Commission thu zawm a nih thu leh online hmanga exam pawh sawiselna a awm an hriat loh thu a sawi.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy