Daily Newspaper

Hrileng vanga khunghran mek thi

6

Covid hrileng kaihhnawiha khunghran mek, cancer natna nei chu Lawngtlai district mi pakhat chu September 16 zan khan a thi a, Covid vanga thi erawh a ni lo.

Lawngtlai district-a Damdep-II khuaa Rokiplala (73) chu Nilaini zan dar 9 khan a thi a, inlama khunghran a nih lai niin cancer vanga thi a ni. Thudawn danin, amah hi a natna vangin hun engemawchen Aizawlah enkawl a ni a, tunhnai khan an in lamah inenkawl chhunzawm turin hawpui a ni a, amah buaipuitute zing ami pahnih chu MLA pakhat Covid hri kai nen inhnimhnaihna nei an nih avanga an khunghran mek an nih laiin an damlo buaipui ber hi a thi ta a ni.

Hetihlai hian Lawngtlai atanga Damdep-II a Medical Team kalten Rokiplala buaipuitute sample an laksak chu Ningani tlai khan Lawngtlai thlenpui niin endik nghal a ni a, Covid hri kai an awmlo tih finfiah a ni tih thudawnna chuan a sawi. Heti hian tunhnaia MLA pakhat hrikai hnuchhuina kalzelah Lawngtlai district-a sample lakte chu endik zawh a ni tawh a, hri kai an awmlo tih finfiah a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy