Hripui hlauh vanga chhuak Adebayor

Arsenal, Tottenham leh Manchester City striker hlui Emmanuel Adebayor khan a reh vung vung hnuah chanchinthar a nei a, South America khawmualpuia corona-virus darhzau zel avangin Paraguayan club Olimpia nena inremna an lo ziah tawhte chu a hun hm^in a tawpsan a, club lam nena inhriatthiamtawnain a contract neih lai a titawp a, Paraguay ram a chhuahsan zui nghal.
Hripui avanga Para-guay rama football chawlhtir a nih hm^ pawh khan Adebayor hian Olimpia tana khelhna hmun a chang mumal lo sa tawh reng reng a, kumin February thla maia contract a ziah hnu khan Asuncion club tan kum 36 mi lai ni ve tawh Togolese striker hian match hnih chiah a khel a, goal a khung lo ve ve lehnghal.
Olimpia a zawm hlim khan fans za chuangin thlawhna \umhmunah an lo hmuak a, mahse, khelhna hmun a chang mumal ta lo a, hripui avanga inkharkhip a nih hnuah Togo rama a chenna inah a hun tam zawk a hmang a, Para-guay rama kir a duh tawh loh chhan club lamin an tarlan danin hripui kai a hlauh vang a ni.