Daily Newspaper

Hripui kai pung zual zel ngaihmawh awm : PM

22

Prime Minister Narendra Modi chuan Tamil Nadu, Andra Pradesh, Karnataka, Odisha, Maharashtra leh Kerala Chief Minister-te nena inkawmhona an neihah Kerala leh Maharashtra-a Covid-19 kai pung zual zel chu ngaihmawh awm tak a nih thu a sawi.

PM Modi chuan Covid vanga kar kaltaa India rama nunna chan 84 per cent leh Covid-19 kai thar 84 per cent chu heng state pahnih a mi te an nih thu a sawi a. Second wave thlen hma kumin January leh February thlaa inkaichhawn nasat ang nen a inan deuh reng thu a sawi bawk.

“State thenkhata hripui kai pun nasatna hmunah te third wave a thlen loh theih nan nasa zawka hmalakna kan kalpui a ngai a ni” tiin a sawi.

Mithiam te chuan hripui kai an tam tial tial chuan Covid-19 insiam danglam theihna sang zual zelin chi dang hlauhawm zawk a chhuah theih thu an sawi bawk a. “Hei vang tak hian Test, Track, Treat leh vaccine pek kan kalpui char char a ngai a, micro-containment zone te kan ngai pawimawh zual bawk ang a, district inkaichhawn tamna pawh kan thlurbing a ngai” tiin a sawi bawk.

Medical infrastructure heng ICU khum leh testing capacity tihchak nan sum lama tanpuina pek chhuah a nih thu sawiin tun hnaiah sorkar laipui chuan Covid-19 response package a kalpui thu a sawi a, state tinte chuan medical infrastructure an tihchangtlunna tur a nih thu a sawi.

Hei bakah hian state te chu infrastructure a khawpui leh thingtlang inthlauhna tizim tura ngen bawkin a bik takin thingtlang lam ngaihven zual ngai a nih thu a sawi bawk a. Hei bakah hian state te chu IT system, control room leh call centre te khua leh tui tena data an hriat zung zung theihna tur leh damlo te tana remchanna awlsam zawk a awm theih nana tichangtlung turin a ti bawk.

State te hnena PSA oxygen plants 332 pekah 53 te chu hman mek a nih tawh thu sawiin Chief Minister tin te chu oxygen plant siam tichak turin a ngen bawk a.

Prime Minister chuan Europe, America leh Bangladesh, Indonesia, Thailand leh ram hrang hrangah hripui kai an pun thu sawiin ‘Hei hian min ti ralkhel a ni’ tiin a sawi bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy