Daily Newspaper

Hripui lakah Mbappe fihlim zo bik lo

8

Paris St-Ger-main forward Kylian Mbappe chu Thawhtanni zing khan test-ah coronavirus a kai tih hmuhchhuah a ni a, Thawhlehni zan Nations Lea-gue match-a France leh Croa-tia inhmachhawn game a khel ve thei ta lo.

Karliamta khan PSG player paruk ngawtin hripui an kai tih hmuhchhuah a ni a, Mbappe pawh tunkartira an endiknaah a fihlim za ta bik lo a, Ligue 1 season thar bultanna inkhelah a inlan thei dawn em a chiang ta rih lo.

Karliamta Inrinni khan kum 21 mi Mbappe hian international match la khelin, France-in Nations League bul an tanna match-a Sweden an hneh tumin goal a thun nghe nghe.

Hri a kai tih hmuhchhuah a nih hnuah Thawhtanni khan a team-mate rual kalsanin a chenna in lamah thawnbo a ni zui ta a ni.

Reigning champion PSG hian thla hmasa Champions League final kha an khelh avangin chawlh an hmang rei deuh a, Ligue 1 bul tan tlai phalsak an nih avangin naktuk hian an title kawllai humhim tura an chetchhuahna hmasaberah Racing Lens an tum chuah dawn a, team dang tam zawkte chuan league campaign thar bul hi an lo tan tawh hlawm a ni.

Ligue 1 season hi tan tawh mah se opening game-a Marseille leh Saint-Etienne inhmachhawn tur erawh home player pali ngawtin covid-19 an kai tih hmuhchhuah a nih vangin thla hmasa khan an inkhelh hun tur hi sawnhlat a lo ni ve tawh bawk.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy