Daily Newspaper

Hripui tuarte tan title kan hlan e – Ronaldo

11

Thawhtanni zanah Juventus chuan sihnih faia an mikhual Sampdoria hnehin, a z^wna a vawikuana atan Serie A title an hlawhchhuak a, inkhelh banah tun season-a league goal 31 khung tling tawh Cristiano Ronaldo chuan an trophy hlawhchhuah chu Juve fans zingah pawh hripui tuartute tan bik an hlan tih a sawi.

Kum 35 mi Ronaldo hian first half hun pekbelhah mualneitu team goal hmasa zawk tilutin, second half tir lam minute 67-ah Federico Bernardeschi chuan Juve goal hnihna a thawh ve leh a, Instagram lama Portuguese star thu leh hla chhiar tur a awm zui ta a ni.

Ronaldo chuan, “Kan hlenchhuak ta! Champions of Italy. Ka t^n a z^wna championship hnehna a ni a, he club ropui leh lian tan history kan siam chho zel e.

“He title hi Juve fan zawng zawng tana kan hlan rualin hripui tuartu zawng zawngte tan kan hlan bik a ni,” a ti.

Portuguese star hian sawi chhunzawmin, “He hnehna chan hi thil awlsam a ni lo. In huaisenna, tumruhna leh rilru puthmang khan he cham-pionship in<mna ch>p takah hian chakna min pe a, in zavaia chungah kan lawm a ni,” tiin fans tana ngaihthlak nuam thu hle hla a hnutchhiah.

Bianconeri hian khelh hnih la awmah point 83 neiin, anmahni hnaihbertu Inter Milan lakah point sariha hm^ an hruaif^l tawh avangin Serie A table-ah lehpelh theih an ni tawh lo a, July ni 30 hian champion lawmna inkhelah Cagliari an hmachhawn leh ang.

Maurizio Sarri team hi Europe top five league khel zinga a z^wna title vawikua tehreng la tling hmasaber niin, kumin June thlaa an record dinglai rawn nihrualpuitu Bayern Munich an kalsan leh ta a ni.

League goal 31 thun tling tawh Ronaldo chuan Thawhtanni zan khan goal khat a thun bakah hun remchang dang a hmu a, mahse, hun tawp dawna a penalty chhuihin goal kham a per a, Serie A top scorer nih inchuhna kal meka goal 34 thuna hmahruaitu ni m>k Ciro Immobile hnaih lehzual theihna hun remchang a bawhpelh.

SS Lazio forward Immobile hian Pathianni khan 5-1 lawiha Verona an sawpna inkhelah hat-trick a siam a, kha khan a dinhmun a chawikang leh d^wrh a ni.

Kum 35 mi ni tawh Ronaldo hian June ni 20-a Italy rama football an khelh tan leh hnuah goal 10 khung tling tawhin, hripuiin football a tihkhaihlak hnua Europe-a goal thun hnember a la ni.

Ronaldo hian Juventus tana season khat chhunga goal 31 thun tling thei hnuhnungber Felice Borel record chu league game hnih khelh tur la nei chung-in a tluk ta chiah a, Italy tana World Cup trophy lo hawn ve tawh Borel khan 1933-34 season daih tawhah Juve tan goal 31 a lo puitlin ve tawh a ni.

Juventus boss Sarri ve thung hian tunhma lamin league title a la hlawhchhuak ngai lo a, a trophy lian l^k awmchhun chu Chelsea head coach a nih lai May 2019-a Europa League title a l^kpui chiah kha a la ni.

Turin khaw club hi a z^wna title pakua l^k tlin tuma bei European team pathum zinga pakhat niin, an hlawhtling ta a, team dang pahnihte chu Scotland club Celtic leh Bulgaria team Ludogorets Razgrad-te an ni.

World record siama league title la z^wn rei ber nia hriat chu kum 1994 atanga 2009 chhunga a z^wna Vanuatu league title tum 15 tehreng hawn thei Tafea an ni a; Gibraltar club Lincoln Red Imps leh an thiah t^k Latvia rama an club lian ni thin Skonto-te khan a z^wnin title vawi 14 an la ve tawh bawk.

Kum 2002-2008 chhung khan Lyon chuan a z^wnin French title vawisarih an chang a; Real Madrid pawhin Spanish title panga l^kzawn tumhnih an nei ve tawh bawk.

England lamah Huddersfield, Arsenal, Liverpool leh Manchester United-te chu a z^wna title vawithum la thei an ni thung.

Europe ‘big five’ league an tih – Eng-land, Spain, Germany, Italy leh France-ahte khuan champion ngunber record siamtu chu Italian top flight title vawi 36 tehreng la tling tawh Juventus an ni a, tun season Spanish champion Real aiin vawihnihin an champion tam.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy