Site icon The Aizawl Post

Hrisel nan thingpui in rawh

Green tea emaw, thingpui sen emaw, bawnghnute pawlh emaw pawh nise thingpui hian thatna a ngah hle niin mithiam ten an sawi.
Thingpui thatna kan rawn ziak fo tawh nain chanchin thar dang a awm leh ta. Thingpuiah hian flavonoids a awm a, chu chuan vascular dilation a tanpui a, chu chu lung (heart) tan a tha hle a ni.
Times Of India health section-in a tarlan dan chuan nitin thingpui no 3-4 in ziah hian Ischaemic stroke neih theihna risk 21% in a tihniam thei niin an sawi.
Thingpuiah hian polyhenol a awm a, green tea-ah a tam zual, chu chu vun tan a tha hle a, kan vun cell thi tawh te pawh a tinung leh thei (reactivate) a, kum upat leh pollution vanga vun chuar hma lutuk tur leh chhe tur nasa takin a veng thei a ni.
Thingpui hi antioxidant tha tak a ni a, polyphenols hian anti-cancer properties a nei niin an sawi.
Thingpuiah hian L-theanine a awm a, chu chuan rilru leh ngaihtuahna a ti hahdam thei a, kan thil tih laia ngaihtuahna sawrbing thei turin min pui thei niin an sawi.
Thingpuiah hian fluoride a awm a, chu chuan ha (teeth) a ti chak niin an sawi a, ruh pawh a tichak thei niin an sawi.
Thingpui sen hi hritlang tan pawh a tha a, allergy fighter niin an sawi bawk.

Exit mobile version