Vinegar hi chawhmeh tih tuina satliah mai a ni lo, hrisel atana thatna kawng hrang hrang a nei nual mai. Tun tumah hian Times of India health section-in hriselna atana vinegar thatna ni a an sawi te kan rawn tarlang e.
Vinegar-ah hian acetic acid a tam hle a, hei vang hian kan chaw ei atanga mineral hrang hrang kan taksain a lo hip chak theihna kawngah a tanpui a, hmeichhia phei chuan an chawhmehah vinegar tlem telh zel thei se tichuan an taksain calcium a lo dawng thei dawn a ni.
Vinegar hi blood sugar level sang tur ven nan pawh a tha a, a bik takin Type 2 diabetes tan a tha lehzual. Lunglam natna nei, BP sang leh thildang tan pawh vinegar hi a tha hle a, chi al (sodium) ei thei lo tan chi aiah a hman ve theih bawk.
Vinegar hian calorie a pai tam lo a, chuvang chuan salad leh dips vela hman atan a tihchi khawp mai. Chuvangin mayonnaise aiah vinegar hmang thin ang che. Chaw ei hmaa vinegar tlem ei hian mi a ti puar rei a, thil kan ei tam over tur min veng thei bawk.
Apple cider vinegar hian thatna a nei nual a blood sugar leh cholesterol level sang tur a veng thei a, chaw paitawih lamah mi a pui thei a, thil ei chak huam huam a tiziaawm thei a, vun leh sam tan a tha hle bawk.
Hrisel nan vinegar
