“Hrui khat vuanin” tih thupui hmangin Zofest chhunzawm
December ni 4-a \an Zofest chu West Phaileng-ah hman chhunzawm a ni a, a nih hnihnaah Prof Lalnilawma, minister chu khuallian a ni a, adviser to chief minister Lalmuanpuia Punte, MLA-in thupui a sawi.
Lalmuanpuia Punte, Adviser to CM (Political) chuan, “hrui khat vuanin” tih thupui sawiin, “Zofaten kil hrang hrang a\angin beih kan tawk nasa hle a, hetiang hi kan dinhmun a ni chung pawha kan inlungrual hlei thei lo hi chu a hahthlak hle a. Hrui khat kan vuana, kan \anrual vat lo a nih chuan kan darh vat ang,” a ti.
Zofate hi kan awmna hmun a zira koh dan hnam hming hrang hrang nei kan ni tiin a sawi a, Zo hnam hi kan inlungrualna ber nia a lan avangin, i \angrual zel ang u a ti.
Khuallian chuan Zofa hnam chi peng hrang hrangte hi kan inpumkhat zel theih nan, kan inunauna tichhe thei zawnga \awngkam hman hi a pawi thei hle a, kan inunauna tihngheh zel a nih theih nan kan \awngkam hman kan fimkhur a ngai a ni a ti.
Zofa chi peng hrang hrangte hian keimahni awmna hmun (area) \heuhah kan hnam bil politics kan khelh nat lutuk avang hian kan inlungrual lo fova, hnam bil dinkhawchhuahna aiin Zo Hnam anga kan dinkhawchhuahna tur buaipui ila kan inlungrual ang a ti bawk.
Chawhnu lamah, Zofest thupui sawihona “Pûm titi” neih a ni a, Zofate inlungrualna tur leh hrui khat vuana thawhho dan tur sawiho a ni a. hetiang hian thurolum an siam:
8 India, Burma, Bangladesh leh ram hrang hranga Zofa awmte hi thisena unau, thlah khat kan ni a. Ramriin min thendarh mahse hnam nunphung inang, ze inang, rinna thuhmun kan ni.
8 Vawiinah hian ramriin min thendarh rih mahse, engtik niah emaw chuan ram rorelna pakhat hnuaiah kan la awmkhawm ang tih kan ring tlat a ni.
8 Zofate tuna kan awmna ram theuhah, khua leh tui \ha ni turin kan infuih a. Harsatna leh buaina kan tawh hunah inpuih tlan zel tha kan ti.
8 MZP-in Zofate kan insuihkhâwm theih nana a hmalakna hi kan thlawp a, theih ang angin kan \awiawm zel ang.
“Hrui khat vuanin” tih thupui hmangin Zofest chhunzawm
