Daily Newspaper

Hruihrual chhunga kirleh tur Mayweather

9

Tunhnaiah heavyweight cham-pion hlui Mike Tyson chuan US dollar maktaduai 10 dawn lai hlawh theihna exhibition bout khelin ring chhungah Roy Jones Jr. a hma-chhawn a, vawi 50 inhneka tlawm nei lo chunga professional bixing chawlhsan ta Floyd Mayweather pawhin kumthar February ni 20 khian hruihrual chhung a lut leh dawn a, Youtuber Logan Paul nen special exhibition fight-ah an inhnek dawn.

Weight thenhrang pangaa world champion ni thei Mayweather-a official fight hnuhnungber chu kum 2017-a round 10-naa Conor McGregor a tuktlawm kha niin, MMA star nena an inhnek kha boxing history-a sum tamnaberte zinga mi a ni a, kum 25 mi Paul nena an inhmachhawn turah pawh hian pay-per-view an hralhna atangin sum an hmuchhuak hnem leh hle tura ngaih a ni.

Kum 43 mi Mayweather hmaa ding tur American ve bawk Paul hian subscriber maktaduai 22 chuang a nei a, ani kaltlang ringawt pawh hian an inhnek thlirtu hi an thahnem hle tura ngaih a ni. Paul hian professional fight vawikhat a lo hmachhawn ve tawh a, November 2019 khan Youtuber ve bawk, KSI tia hriat lar, Olajide Olayinka Williams ‘JJ’ Olatunji lakah a tlawm.

December 2018 khan May-weather hian exhibition boxing bout-ah Japanese kickboxer Tenshin Nasukawa chu second 140 lek chhungin a knock out a, kha inhnek atang khan US dollar maktaduai 9 (£6.7m) an hmu-chhuak tling nia tarlan a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy