Daily Newspaper

HSA-in L Keivom thihna chân ropui ti

11

Hmar Students’ Association chuan an pawl leh Hmar hnam tana thawhhlawk tak L Keivom a thi chu an chân ropui hle tih an sawi.

HSA Gen. Hqrs. thuchhuak chuan, Hmar arsi lian Pu Lalthlamuong Keivom (L.Keivom) in November 28-a chatuan ram a pansan chu pawi a tiin, a ui takzet tih sawiin, ‘Hmar khawvela ziaktu ropui, thu leh hla mi, hnam tana thawhhlawk em em leh mi chhuanawm tak kan chân hi hnamin a chân ropui a, a pamhmai takzet a ni,’ a ti.

HSA-ah nihna pawimawh lian chelh lo mah se, thahnemngai taka hma la tu a ni, tiin, HSA emblem (logo) design chhuaktu leh HSA motto (thil tum) phuahtu a nih thu HSA hian sawiin, ‘Thu leh hla kawnga a thawhhlawkna avangin HSA chuan tum hnih lai ‘Life Time Achievement Award’ a lo hlan tawh a ni,’ a ti. HSA chuan lusun chhungkuate a tawrhpui takzet thu leh Pathianin a kalsan tak a chhungkua leh laina hnaite awmpuiin thlamuan se tih chu an tawngtaina a nih thu a sawi.

HSA chuan amah zahna leh sunna tihlanna atan HSA Gen. Hqrs office, HSA Complex, Rengkai Churachandpur-ah vawiin, November 29 atangin ni sarih chhung HSA puanzar (flag) chu ngul chanvea zar a ni dawn tih an thuchhuah hian a tarlang.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy