Daily Newspaper

HSLC & HSSLC top ten-a Mizo langte CYMA-in chawimawi

28

Central YMA chuan 2020 HSLC & HSSLC top ten-a Mizo langte chawimawina Nilaini khan Aizawlah an hmang.

He hun hmanpuitu Mizoram chief secretary Lalnunmawia Chuaungo chuan, Central YMA-in chawimawina a hlante hi Mizo thalai zinga kan chhuanvawr in ni, tiin, theihna an neih tipung a, chhem alh zel turin taimakna, tumruhna leh thawhrimna nen bei turin a sawm tih a sawi.

Mihringte chu duh zawng, tui zawng leh chak zawng inang lo kan nih angin, kan tui zawng chu eng pawh nise, kan tuina zawnah nasa taka beih chuan hlawhtlinna kawng a awm vek tih hriat a tul tih a sawi a. “Central service-a luh hian chhungkua, mimal leh ram leh hnam a chawisang a, Mizote hi mi pakhat kan ni ve a ni tih tarlanna hmanraw tangkai tak a ni. Vai rama sawrkar hna thawk ngar ngar tura ngaihtuahna kan seng fo hi kalsan a ngai a, Mizoram thlakhlelh lutuk vanga harsatna hmachhawn ngam lo zirlai ni lo turin ka chah che u a ni,” a ti.

Competition a sang tawh tih mai maia huphurhna nena competitive exam hmachhawn ngam lo ni lo turin zirlaite chu Lalnunmawia Chuaungo hian a fuih a. “Kei, thingtlangpa hian IAS ka tlin theih chuan nangni, backround nei tha zawk chuan in thei dawn tih a chiang a. Nasa lehzuala lehkha chhiar tur leh tum mumal tak neia lehkha zir ngar ngar turin mahni leh mahni infuih thar sauh sauh thin ang che u,” a ti.

Central YMA president Vanlalruata pawhin tuna zirlai chawimawi takte lakah Central YMA chuan beiseina sang tak a nei, tia sawiin, All India Service leh central service-ah pawh tih tak takna nena bei turin a chah. “Thlamuanpui tham thiamna neia ram leh hnam humhalh turin zirna hi a pawimawh tih hrethar leh turin ka chah che u a ni,” a ti.

He hunah hian HSLC exam-a top ten-a lang mi 15 leh HSSLC Arts, Science leh Commerce-a top ten-a lang mi 34 hnenah chawimawina thuziak leh sumfai hlan a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy