Certificate (HSLC) Examination 2024 top 10-a Mizo zirlai tlingte chu Mizo Zirlai Pawl chuan Ningani chawimawina a hlan.
Hmanpuitu, minister Prof Lalnilawma chuan HSLC top-10 a tling Mizo zirlaite lawmpuina a hlan rualin, an bul tanna a nih avangin an hmabak a la tam a. Hlawhtling zel turin theihtawp chhuah turin a fuih. Khawvel hun hman chhoh zelna turah hlawhtlinna chauh ni lo, hlawhchhamna pawh zir a ngai, tiin, zirlai hlawhtling rih lo te chu beidawng lo turin a fuih. “Kan thiamna leh finna, kan hlawhtlinna hi mahni tan chauh ni lo, kan ram leh hnam leh khawtlang tan hmang ang u. Kan zir zelna kawngah khawi hmunah pawh awm ila, Mizo identity – tlawmngaihna leh huaisenna, midang tana inpekna vawngnung zel ang u,” a ti.
MZP president H Lalthianghlima chuan kumin HSLC exam result-ah zaa 70 aia tam an pass chu a lawmawm em em rualin, hei aia sang hi kan pass thei a, tan lak zel a ngai, tiin a sawi. MZP chuan Mizo zirlaite inkarah inelna thianghlim awm se, tang deuh deuh ila, hnamdang zirlaite el phak ila, tih an duh avangin hetiang hun hi buatsaih thin an ni tih sawiin, kumin top-10 ah Mizo zirlai deuh vek an awm chu lawmawm an tih thu a sawi a ni.
“Mizo hmeichhia chhuanawm tak tak an awm rualin, Mizo hnam timualpho an awm leh zeuh thin hi a pawi a. Mizo hmeichhia hnamdang pasal neite hian Mizo hnam an timualpho thin. Sairang thlengin rel a lo luh dawn avangin Mizo thalaite eng hna pawh thawk thei turin kan lo inbuatsaih a ngai a ni,” a ti.
HSLC 2024 top 10-a Mizo tling chawimawite hi mipa 5 leh hmeichhia 8 an ni a. Chawimawina thuziak, sumfai Rs. 5000, Lalhmachhuana Zofa lehkhabu ziah ‘Mizo Lui Hmingthangte’ tih leh ‘Mizoram General Knowledge English edition’ bakah Lalhruaitluanga ziah ‘Zirna Lamtluang Lehkhabute’ hlan an ni.
HMING SCHOOL
1. Lalmoipuia Lawmzual St. Paul’s HSS
2. Vanlalmuanpuii St. Paul’s HSS
3. H Lalsangpuia St. Joseph HSS
4. Lalramluahpuii St. Joseph HSS
5. Vanlalenkawli St. Joseph HSS
6. C Lalhruaitluanga St. Paul’s HSS
7. Zomuansanga Goodwill English Academy
8. Malsawmkima St. Paul’s HSS
9. Vanlalhruaii Mount Carmel School
9. Lallawmsangi St. Joseph HSS
10. Hmangaihtharzeli Greenland HSS
10. Priscilla Lalmawikimi St. James School
10. Vanlalhruaizeli KD High School